Mateo 19:9 - NandevaBiblia

⁹ Tẽvã she hai pee, “Hyreko poishia mbaimba reherã, haivi omendajyhe yngava tauperã, opa myngya omendavare; hejareiipo hyreko, ha'ẽĩ ynga kuimbai ñeno hãndirã rehe”.

Mateo 19:9 Iomraidhean Croise

Mateo 19:10

Hãrã mboireare heishu Jesús: Kyrã potarã, hokava kuimbai hareka hyreko hãndi haikavivepo omendãã reta.

Mateo 19:8

Jesús heishu reta: Pyndypya tãtaivi Moisés mã'ẽĩmbahe pee pypoishi pyndyreko; õñepỹrũape katy kyrãmbatẽ vekua.

Mateo 5:32

Tẽvã she hai pee: Ĩme'ẽ kuimbai hyreko poishia, yngavambate iko'i hãndiva, ñonomashu yngava pokojyhe verã; hãrã taupe poihashia rekojya, javasama'ijy.

Lucas 16:18

Ĩme'ẽ pente kuimbai hyreko poishia omendajyhe yngava tauperã, ynga jyrekomava pokojyhe, shara haimba hyrekova iko'i hãndi; hareka taupe poiashia rekojya, ynga jyrekomava pokojyhe, shara haimba hyrekova iko'i hãndi.

1 Corintios 5:1

Oparupi mbe'uha pymbytepe ĩme'ẽ ishy rãngai rekorevarã. Kova mbai rãnga porã'ãĩte, Jesús jyrojambaheare mbytepe ikoãhai kova mbai.

1 Corintios 7:39

Taupe omendava ĩme ĩmeĩteri'irã jypysyteri hãndi; tẽvã ĩme manomarã, hai ẽẽmajyshu yngava potava omendajyhe verã, hai jyve Ñandeja jyrojahearã.

1 Corintios 7:4

Tyreko haiveãma hete ha'i ña'ãpova, shara hokava hai ĩme ña'ãpova, hareka teme haiveãma hete ha'i ña'ãpova, shara hokava hai hyreko ña'ãpova.