Mateo 18:7 - NandevaBiblia

⁷ Ko yvy'ĩãrẽ mbai porãmbape pirirityva, japoãã Tũpa heiva. Shara ẽẽñoĩpo mbai porãmbava, tẽvã tengapokui kuareta mbai porãmba pirĩmbijapokava.

Mateo 18:7 Iomraidhean Croise

Mateo 16:23

Jesús jerepyrã heishu Pedro: Syry shyhevi Satanas! Nde pota shocharẽĩ. Ndypya rĩñanduva ha'ẽã Tũpaivi ouva, koñeĩ kuaretare ñanduva rãĩmi rĩñandu kova mbai.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Marcos 13:7

Pikuama ñyrãrõva ikorã hareka mbe'uha ñyrãrovarã, avy pykyje, shara kyrãñoĩpo iko; tẽvã ha'ẽã opamahe verã.

Lucas 17:1

Jesús heishu mboireare: Ĩmeñoĩpo'ẽ mbai porãmba japokashua kuaretare; tẽvã, tengapokui mbai porãmba japoka'ishua yngavare!

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Hechos 1:16

Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

1 Corintios 11:19

Ikoñoĩ rãngapo kyrãvã pynymbytepe, kuaaha verã mbara ãñete haikavi'ẽ Tũpa hỹnonde.

1 Timoteo 6:1

Opaite jokuehareare tymbyveteshu jokue'õre, mahẽ porãã ijetahahekui Tũpa hee hareka ñapyrỹmboiheva.

Tito 2:5

ñakavapy verã, heko kyamba verã, tingarekokavi hentape, pyakavipo reta hareka ĩmere ĩñeereĩpo iko reta, mbavamba ijeta porãmbahe verã Tũpa ĩñee.

Tito 2:8

pyrỹmbo'eahea kapyryva rupii, mbavamba porãmba hei verã. Kyrãrãpo, ñymbyvaisho ndyreheva ñymymarãkakui, vãhẽãposhu porãmba hei ñandyrehe verãre.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.