Mateo 18:15 - NandevaBiblia

¹⁵ Ndapisha japo ndyrehe porãmbarã, ijeta hãndi hã'ẽĩvape hãrã mbeu kavishu mbai porãmba japo vekua. Nyrẽndurãpo rẽi kavijy hãndi ndapisha.

Mateo 18:15 Iomraidhean Croise

Mateo 18:14

Kyrã jyve Peru vate arapy'õ potãã mbava kañy ko sanjay ndeiveva rãĩmi jyrojava.

Mateo 18:21

Hãrã Pedro ñymboja Jesús ẽvãpe heishu: Sheja, mbovyjyrapo ahejareiishi shapisha, porãmba japo shyreheva? 7 jyrapo?

Mateo 18:35

Hãrã Jesús hei: Kyrã jyve Sheru arapy'õ japopo pyndyrehe pepenteĩ, pãtẽỹ pyhejareiishi pyndypyaivive papisharã.

Romano 12:21

Avy heja porãmbavaĩ tijepy ndyrehe. Kyrãtẽ verã, jepyhe porãmba haikavivapy.

1 Corintios 8:12

Kyrã mbai porãmba pijapohe ñandyryvy jyrojakuepe pyrãtambaterivarã, Cristoretei pijapo mbai porãmba.

2 Corintios 7:12

Hãma ambyparape hokava kuatiarã, shypya ambijetãhe mbai japo vekuare, maĩrã, mbai japohahe vekua. Tũpa hỹnonde kuaaha verãĩ rãnga, marãra yryyraihupi.

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Colosenses 3:13

Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.

1 Tesalonicenses 4:6

Avy mbava kova mbai rehe tijapo mbai porãmba hareka tymbytavy hapisha, shara Ñandeja purũnũpa kova mbai rehe, pyndyrykyjehava rãĩmi.

2 Tesalonicenses 3:15

Tẽvã avy pota pimbyvaishohe, koñeĩ pymbarakuashu pente ñandyryvy rãĩmi.

Tito 3:10

Ĩme'ẽ potaĩ pirĩmbijao'iarã, ñimiñeeshu pente maĩrã mokuejy; hãrã potãã nyrẽndurã rỹmohẽpo tũpaovi.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.