Mateo 17:3 - NandevaBiblia

³ Haipe ijeshaka reta Moisés hareka Elías, ijeta ñynõĩ hãndirã.

Mateo 17:3 Iomraidhean Croise

Mateo 17:2

Haipe hỹnonderãpetei Jesús hete opa yngai oho. Hova opa hĩmbipe kuarasy rãĩmi, hareka jasoiva tĩĩ hendyva sapeva rãĩmi.

Mateo 17:4

Pedro heishu Jesús: “Sheja, haikavi rãnga ore kope ĩmeha'ẽrã. Ripotarã japohapo mbahapy oo rãĩmi: Pentepo na'ãporã, pentepo Moisés pevãrã hareka ĩrũ Elías pevarã”.

Marcos 9:4

Haipe ijeshakashu reta Elías hareka Moisés, ijeta ñynoĩ hãndi Jesús.

Lucas 1:17

Ko Juan vãhẽpo ndeiteri Cristo ourã, Tũpa ĩñee mbeu'ia Elías espiritu hareka mbaikatu ryheve, mbypya kavi verã tuure tayre hãndi, hareka mboi verã ñee hendumbare, ñee hendu verã. Kyrãpo myhẽvã hai henta ĩrũre Ñandeja pevãrã.

Lucas 16:16

Moisés mbypara vekua, hareka Tũpa ĩñee mbeu'iare hei vekua japoa verã vãhẽ Juan arapeve; haivive mbe'uhajy Tũpa ẽvãpe'õ ryheva ñee kavi, hãrã opaite õñehãã pota pyrãtakuepe ichepyrã.

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Lucas 9:33

Haivi Moisés hareka Elías Jesús syrymashi retarã, Pedro heishu: “Pyrỹmboi'ia, ajeteiarãngambaje kope ĩmehã'ẽrã! Tijapoha mbahapy oo rãĩmi: Pentepo na'ãporãkui, ĩrũpo Moisés pevarã hareka ĩrũpo jyveshukui Elías”. Tẽvã Pedro kuãã hokava hei'õ.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.