Mateo 17:27 - NandevaBiblia

²⁷ Kyrãrã, potamba poshy ñande verã mbava, ekua ity nipinda yyvasupe, tynonde pira rynohẽva jurupy rymaĩrã ryvãĩposhukui nikere ñande pevãrã, raha meẽshukui hokava.

Mateo 17:27 Iomraidhean Croise

Mateo 17:26

Pedro heishu: Ynga tentaivi ouvare. Jesús heishu: Akuarã henta ĩrũre katuã rãngapo meẽ.

Mateo 18:6

Ĩme'ẽ mbai porãmba japokashua kova sanjay rãĩmi jyroja shyreheva, haikavivepo jajure ñapitĩha pente jytaky vasu momboha yyvasupe.

Mateo 18:8

Hãrã ndepo hareka ndepy ndyrahapo porãmba kytyrã, jasyja hareka mombo mbyry, haikavivepo riche tykove ryheve, ndepy hareka ndepo hãndi, mãhẽ nymombohakui tatavasu opambape ndepy hareka ndepo mokue ryheve.

Mateo 5:29

Ndyresa ndakata kyty'õ ndirity mbai porãmbaperã; nohẽ mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Mateo 5:30

Ndepo ndakata kyty'õ ndirity mbai porãmbaperã; jasyja mombo mbyry, haikavivepo mishĩĩ õñehũndi ndyrete, mahẽ opaĩ ndyrete mombohakui tata vasupe.

Marcos 9:42

Ĩme'ẽ ityva mbai porãmbape pente jyroja shyreheva sanjay rãĩmiterivarã, haikavivepo momboha yyvasupe jajure jokuahashu ita marẽyvarã.

Marcos 9:43

Ndepo ndirity mbai porãmbaperã, jasyja; haikavivepo ndepo hyvaishoĩ riche Tũpa ẽvãpe, mahẽ ndepo mokue ryheve rehokui tata vasupe, tata katumba oveape,

Lucas 17:2

Haikavivepo jajure ñapĩtihã ita mungu'iapyarã mombohaseve yyvasupe, mahẽ penteva jyrojatẽ'i shyrevare ityjykui mbai porãmbape.

Juan 6:61

Jesús kuaa mboireare ijeta jyrehe ñee hei vekuarã, pyrãndushu reta: Ajetẽãra'ẽpe kova?

Romano 14:21

Haikavive ja'ũã soo hareka ñambusururuã vino, avy mbaiva japo rity verã ndyryvy jyrojava.

1 Corintios 8:13

Hãrã hauva rupii ñandyryvy aitypotarã, haikavive penteã hau soo, mahẽ aityjykui mbai porãmbape.

1 Corintios 8:9

Pingareko kavi kova pyrekova pota pijapova pijaporã, mahẽ kova rupii pyrãtambateriare pitykui mbai porãmbape.

2 Corintios 6:3

Mbavapeã ijyheshahaka porãã, moã mbava poi jyroja japohava reherã hareka potãã japohava porã ijetaherã.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

1 Tesalonicenses 5:22

Pijyhekyshi opaite mbai porãmba vekua.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.