Mateo 17:20 - NandevaBiblia

²⁰ Jesús heishu reta: Sa'ite pirojarã. Ãñete hai pee, pirojakue mbairãỹ mishĩva rãĩmirã, pereposhu yvyturusu: “Syry koivi, ãupe syryjy”, japoĩpo jyvepe. Opa mba'e katu pijapo.

Mateo 17:20 Iomraidhean Croise

Mateo 13:31

Jesús mbeujyshu ko ñee ñymyhã'ãnga ryheva: Huvisha vasu vate arapy'õ rãnga ova mostaza hãỹ kuimbai raha ñotỹva kookuepe.

Mateo 14:29

Jesús heishu: Ei. Haipe Pedro vejy kanoaivirã õñepyrõ vata yy ĩãrẽ, oho verã Jesús jykoty.

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

Mateo 17:19

Haivi mboireare ñymbojahe Jesús hã'ẽĩ õperã, pyrãndushu: Marã'ĩrãra katuã mohẽhashi ore mbaiposhy?

Mateo 17:9

Vejyjy retarã, Jesús heishu reta: Avy pymbeukui mbavape ko pyheshava, kuareta Tay, mũpũ'ãjypeve manovare mbyteivi.

Mateo 21:21

Jesús heishu reta: Ãñete hai pee, piroja pyndypya mokuemba ryheverã, ko igo jypyre ajapova rãĩmi katupo pee pijapo jyve, katupo pereshu yvyturusu: “Syry koivi, ekua eapy yyvasu” hãrã kyrãpo iko.

Mateo 8:26

Jesús heishu reta: Marã'ĩrãra pykyje, kuaretare sa'i jyrojavare? Haipe Jesús puãrã hareka poshy ryheve heishu yvytukue hareka yykue, hãrã opa pyta kavijy.

Marcos 11:22

Hãrã Jesús heishu reta: Pirojahe Tũpa.

Marcos 11:23

Añeteĩteva hai pee, ĩme'ẽ heishuva ko yvyturusu: “Syry koivi hareka ekua'ea yyvasupe”, pyape pyhumba ryheverã, koñeĩ roja heiva ikoñõĩshu verãrã, ikoposhu hai heiva.

Marcos 4:31

Hãi rãnga mostaza hãy, yvype ñotyãvã. Hokava hai mbairãỹ mishĩveva opaite yvy'ĩãrẽ'õ retaivi.

Marcos 9:23

Jesús heishu: Marã'ĩrãra rere “ĩme'ẽ katu rijapohevarã”? Opa mba'e rãnga katu, jyrojava pevarã!

Lucas 1:37

Kova heshaka shara Tũpa pevarã mba'ety hai katumba.

Lucas 17:6

Ñandeja heishu reta: Ajemaĩpo mostaza hãỹ rãĩmi mishĩĩ pirojakue, katupo pereshu ko yvyra: “Syry koivi, yyvasupe ekua iñotyjy”; hãma yvyra katupo japo pereshuva.

Lucas 18:27

Jesús mbyhovaishu reta: Kuaretare javaishuva Tũpa pevarã javaĩãshu hai.

Juan 11:40

Jesús heishu: Ambe'ũarandeje, ryrojarã ryhesha verã Tũpa ñymbaikatukue?

1 Corintios 12:9

Yngava me'ẽãshu jyrojakue Espiritu Santo rupii, hareka hai rupii ĩrũre me'ẽãshu mynguera verã ñymbairasyvare.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

Hebreos 3:19

hareka añete katuã iche Canaanpe shara jyrojããhe reta Tũpa.