Mateo 17:2 - NandevaBiblia

² Haipe hỹnonderãpetei Jesús hete opa yngai oho. Hova opa hĩmbipe kuarasy rãĩmi, hareka jasoiva tĩĩ hendyva sapeva rãĩmi.

Mateo 17:2 Iomraidhean Croise

Mateo 17:1

Haivi 6 arajyape Jesús rahashu Pedro, Santiago hareka tyvy Juan, jupi reta yvyturusure.

Mateo 17:3

Haipe ijeshaka reta Moisés hareka Elías, ijeta ñynõĩ hãndirã.

Mateo 28:3

Tũpa jokueva ara verava rãĩmi himbipe hareka mondeva tĩĩ mandyju rãĩmi.

Marcos 9:3

Mondeva hĩmbiperã tĩĩrai, mba'ety mondeava johe'ia yvy'ĩãrẽ'õ kyrãite mitĩĩjy verã.

Lucas 9:29

Haipe jururerã mondii hova opa yngai'ẽ, mondeva tĩĩrai hareka hĩmbipekue sãnka.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Apocalipsis 10:1

Hãrã aheshajy Tũpa jokueva ĩrũ ñymbaikatuva, vejy vate araivi ãvãpyntu mbytepe hareka ĩmere ñakare pente jyi. Hova hĩmbipe kuarasy rãĩmi, tymare tata puku jypotavasu'õva rãĩmi.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.