Mateo 15:31 - NandevaBiblia

³¹ Opavare mbyrymaĩ hesha mãrãra ña'enguvare ijetajy, japava vatajy kavi hareka heshajymba heshajy kũvaãĩpi, õñepyrõ õmombaishu reta Tũpa Israel Ija.

Mateo 15:31 Iomraidhean Croise

Mateo 15:30

Heta hai ẽvãpe ouva, raha reta japava, heshamba kũvãipia, vatambaa, ña'ẽnguva hareka ñymbairasy vekuare. Ñono reta Jesús hỹnonderã mynguerashu reta.

Mateo 18:8

Hãrã ndepo hareka ndepy ndyrahapo porãmba kytyrã, jasyja hareka mombo mbyry, haikavivepo riche tykove ryheve, ndepy hareka ndepo hãndi, mãhẽ nymombohakui tatavasu opambape ndepy hareka ndepo mokue ryheve.

Mateo 21:14

Haivi tũpaope ñymboja reta Jesús ẽvãpe heshamba kuvãĩpiare hareka japava, hai opa mynguera.

Mateo 8:10

Jesús kova haĩrãã hendurã, mbyrymaĩ hareka oho hãndiare heishu: “Ãñete hai pee, Israelvare mbytepe aheshããteri ko kuimbai rãĩmi kyrã jyrojahea Tũpa.

Mateo 9:32

Haire õhẽjymarã, ĩme'ẽ kuaretare veruva Jesús ẽvãpe, pente kuimbai ña'ẽnguva mbaiposhy ĩmere vekua.

Mateo 9:33

Jesús mohẽshi mbaiposhyrã, ña'ẽngu'ia õñepỹrõ ijetajy, hãrã kuaretare haĩrã hesha retarã heijyre: “Mapeã kyrãva mbai heshaha Israelpe”.

Mateo 9:8

Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Marcos 2:12

Hãma haipevãĩ vatamba vekua pũã, hupi huparã hetavare hesapẽĩ õhẽjy oho, hãma mbyrymaĩ reta, hareka õmombaivasu Tũpaperã hei jyre: Maĩpia rãnga kyrãva mbai jahesha!

Marcos 7:37

shara hãĩrãite hesha retarã hei: “Japo kavi rãnga Jesús, shara japysambavare myhendukajy, hareka ña'ẽnguvare mbijetakajy”.

Marcos 9:43

Ndepo ndirity mbai porãmbaperã, jasyja; haikavivepo ndepo hyvaishoĩ riche Tũpa ẽvãpe, mahẽ ndepo mokue ryheve rehokui tata vasupe, tata katumba oveape,

Lucas 14:13

Haikavive rãngapo, karu vasu rijaporã, rỹhẽnokave pavete'iare, jyvambava, vatambavare, hareka heshamba kuvãĩpiare;

Lucas 14:21

Hãma oujy jokuehareirea, opa mbeushu jokue'õ. Hãma oo ija poshy hãrã mondo jokuereirea: “Narẽ'ãĩte ekua ko tentahupi, vataha õĩpi hareka pehupi, hareka eru kope pavete'iare, mba'erãveama'iare, porãmba vatavare, hareka kũvãĩpi heshaveamavare”.

Lucas 18:43

Haipevãĩ heshajy kũvãipi, hãrã oho hipii Jesús hareka õmombaivasushu Tũpa. Hãrã opaite heshavare kova, õmombaivasu jyve reta Tũpa.

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Juan 9:24

Haivi hẽnojy reta kuimbai heshamba kũvãĩpi vekuarã, heishu: Tũpa hỹnonde mbeu añeteva; ore kuaaha hoka kuimbai hai heko porãmbavarã.