Mateo 15:27 - NandevaBiblia

²⁷ Ko taupe heishu: Ãñeteĩte rereva Sheja. Kyrãtẽvã, ñaũmba ho'uĩpojy timbiu ijare ñymesaivi oava.

Mateo 15:27 Iomraidhean Croise

Mateo 15:26

Jesús heishu: Porãã rãnga jahekyshi sanjay houva ñameẽshu verã ñaũmbare.

Mateo 15:28

Jesús heishu: Nde hai taupe tivisha rirojava! Tiko nde ripotava rãĩmi. Haiperaveĩ memby taupe kuera.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 8:8

Tẽvã 100 ẽvã syndarore juhuvisha heishu: Sheja, mbavara she, riche verã shyrẽntape? Ereĩshu kuera verã hãrã ajokue'area kuerapokui.

Marcos 7:28

Hãrã taupe hei: Ãñete rãnga, Sheja! Tẽvã ñaũmba mesa ipe'iare, hykuaĩ houjy tayre houva ku'ikue mesaivi oava.

Lucas 16:21

ko pavete'ia potavasĩ ñymyhỹvãtatẽpy ho'uava ku'ikuemi oava iko katuva ñy mesaivi hareka ñaũmba retaave ou hereshi kuru.

Lucas 18:13

Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Romano 3:19

Jaikua rãnga ñee mbyparahava japoa verã haiva Judiore pevarã, shara haire ĩmere ñee mbyparahava japo verã, mbavamba heijy verã “ha'eã she mbai porãmba japo'ia”, opapaveĩ ñymbeu verãre mbai porãmba japovare Tũpa hỹnonde.

Romano 3:29

Tũpa ha'ẽã Judio retaĩ ñu Tũpa, opaiteva ñu Tũpa rãnga, ajemaĩpo haimba judiovare.

Romano 3:4

Kyrãã rãngapo! Ajemaĩpo kuaretare japu, Tũpa añetevañoĩ hei. Shara Mbyparahavape hei: “Opaitevapo kuaa añetevañoĩ rereva. Hãrã rẽhe kavipo nimbivachehaka'ẽrã”.

Efesios 3:19

airure Tũpape pikuaa verã hokava jyhaihu, tivishaveva jaikuaa verã, heta pyheky verã opaite Tũpa ĩmereva meẽpe verã.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,