Mateo 15:14 - NandevaBiblia

¹⁴ Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Mateo 15:14 Iomraidhean Croise

Lucas 6:39

Jesús mbeushu reta ko ñee ñymyhã'ãnga: Katurapo pente heshamba kuvãipia ñyngarekohe ĩrũ hapisha heshamba kuvãipia? O'ãrapo mõkue ryheve yvykuape?

Juan 9:39

Haivi Jesús heishu: She ai, ko yvy'ĩãrẽ kuaretare hesha ijehe verã mbai porãmba japo vekua; heshamba kũvãipiare heshajy verã, hareka hesha'iare heshaveama verã kũvãĩpi.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

2 Pedro 2:17

Kova pyrỹmboi'ia reta rãnga ova yy henda opa tini vekua hareka ãvãpyntu yvytu rahava rãĩmi! Tũpa ĩmemare ẽẽ verã retape timimbi vasuvape.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.