Mateo 13:42 - NandevaBiblia

⁴² Ajokuevare ityposhu retakui tatape, haipepo jaheorã hãi opa mbupururukui.

Mateo 13:42 Iomraidhean Croise

Mateo 13:50

hareka porãmba vekua itypo tatape. Haipe jaheorã hareka hãĩ mbupupurupo.

Mateo 22:13

Haivi mburuvisha vasu heishu jokuereare: “Pijokuashi ipy hareka ipo, pymombo katuape pyntuvape, haipe tijaheo hãĩre tyrorokua ijehe”.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 3:12

Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.

Mateo 8:12

tẽvã tynõnde huvisha vasu vate arapy'õ ẽẽte verãre haipe, mohẽapo katuape hareka pỹntuape. Haipepo jaheo hareka hãĩre opapo pururu”.

Lucas 13:28

Haipe ẽẽpo jaheova, hareka tyrãĩ mbupupuruva pyheshama Abraham, Isaac, hareka Jacob perã, hai hoka Tũpa ĩñee mbeu'ia arykaivare Tũpa ẽvãpe'õ ryheva tẽvã pee pymohẽãpo katuape.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 9:2

Peama yvykua vasu kypeva hõcherã, õhe tatãti tatakuavasu rãĩmi, hareka tatãti opa mypyntu kuarasy hareka kũvaĩpi.