Mateo 13:41 - NandevaBiblia

⁴¹ Ko kuareta Tay, mondopokui jokuevare. Haire mbatypo hareka hekyposhi opaite tentavasu ryhevare, mbai porãmba japoka'iare hareka hapisha ity'iare porãmbape.

Mateo 13:41 Iomraidhean Croise

Mateo 13:49

Kyrãpo jehukui ko yvy opa verã arape; Tũpa jokueva õhẽpo heky verã heko porãmba heko kavivare mbyteivi,

Mateo 18:7

Ko yvy'ĩãrẽ mbai porãmbape pirirityva, japoãã Tũpa heiva. Shara ẽẽñoĩpo mbai porãmbava, tẽvã tengapokui kuareta mbai porãmba pirĩmbijapokava.

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Mateo 3:12

Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Marcos 13:27

Hãma hai mondopo jokuevare mbaty verã hai pyhỹrõvare urũndy yvytu pejuvaivi, yvy japyaivi hareka vate ara japyapeve.

Romano 2:16

Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.