Mateo 13:35 - NandevaBiblia

³⁵ Kyrã hekope kavi iko verã Tũpa ĩñee mbeu'ia mbeu vekua: Aijetaposhu kuaretare ñee ñymyhã'ãnga rupii; ambeuposhu mbai ñemiãpe'õ Tũpa japorãvãi ko yvy'ĩãrẽ'õre.

Mateo 13:35 Iomraidhean Croise

Mateo 13:14

Kyrã ikohe reta Tũpa ĩñee mbeu'ia Isaia heiva rãĩmi: Pee pyhendupo tẽvã pikuããpo, pymãĩpo tẽvã pyheshããpo.

Mateo 13:3

Haivĩ Jesús mboishu reta heta mbai, pory ñee ñymyhã'ãnga rupii, heishu reta: Pente mã'ẽtỹ'ia õhẽ ñimĩty.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 5:2

Haipe Jesús õñepyrõ mboishu retarã hei:

Lucas 10:14

Hãrã ñimbivache arape, pohyvepo punũpaha kuaretare Tiro hareka Sidonpe'õ retaivi.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Hechos 15:18

Kyrã hei Ñandeja, kova mbai japova kuaaha aryka'eitevaĩ, meẽmava ĩñee.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.

Hebreos 1:1

Aryka'eite Tũpa ijeta hareka opaishareimba heishu ñanytynondevare ĩñee mbeu'iare rupii.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.