Mateo 13:25 - NandevaBiblia

²⁵ Hãrã pỹnturã iche heshatambarea, haivi timity porãmbava ñoty trigo mbytepe hãrã oho.

Mateo 13:25 Iomraidhean Croise

Mateo 13:24

Jesús mbeujyshu reta yngaa ñee ñymyhã'ãnga ryheva: Huvisha vasu vate arapy'õ rãnga ova kuimbai timity haikaviva ñotyva jy'yvype.

Mateo 13:26

Hãrã trigo õñepỹrõ hẽño, haivi iamarã mbytepe hẽño jyve ñana porãmba vekua.

Mateo 13:27

Haipe jokuehareireare jyraha mbeushu koo ija: Karai, timity kavi ndekope rĩñoty vekua rãnga haikavi, mãĩvira õhẽ kapi'ati, trigo pãũpe?

Mateo 13:29

Hai heishu reta: “Mba'ety, mãhe ñanava pypoo sevekui trigo”.

Mateo 13:30

Haikavivepo pyma'ẽĩ pũã hãndi mỹno'õapeve, haipokui mba'apo ia retape tynonde poo verã ñanava hareka mambaty verãre hapyha verã, haivipo mbatyhakui trigo natũã verã.

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 25:5

Hoka temerã ỹrẽ'ã vãhẽrã, kuñatãire opa hypehy reta hareka opa oche.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.