Mateo 13:23 - NandevaBiblia

²³ Tẽvã ĩme'ẽ timity oava yvy kaviape, hokava hai henduva Tũpa ĩñee, hareka kuaa kaviva mbaivara he'ise. Hokava ia kavi. Pente hãỹvi 100, yngava 60 hareka ĩrũ jya 30.

Mateo 13:23 Iomraidhean Croise

Mateo 12:33

Pente yvyra jypy haikavirã, ia kavipo; hãmã põrããrã, ia kaviãpo jyve shara yvyra iarei kuaaha.

Mateo 13:8

Tẽvã ĩme'ẽjy timity oava yvy kaviape hãrã ia kavi, ĩme'ẽ iava pente hãỹvi 100, ĩrũ jypyre 60, yngava jypyre 30.

Mateo 3:10

Shara hasha ẽma jasyja verã yvyra jypyre; opaite yvyra ia porãmbava jasyjahapo hareka momboha verã tatape.

Mateo 3:8

Tijyhesha pyndyrehe pyhejama mbai porãmba pijapo vekua.

Marcos 10:15

Añeteĩteva hai pee, ĩme'ẽ myvãhẽmbava Tũpa ẽvãpe'õ ryheva pente sanjay rãĩmirã, icheãpo vate arape.

Marcos 4:20

Tẽvã ĩme'ẽjy yvy kaviape oava: Hokava reta hai hendu Tũpa ĩñeerã pysykaviva, hãrã ia 30, ĩrũ 60 hareka 100 kavi ia.

Lucas 13:9

Katuara koivi'iakui, hãma i'ããjyrã, katumapo jajasyja”.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Lucas 8:8

Tẽvã ĩme'ẽ timĩty oava yvy kaviape. Hẽñorã ia 100 peve pente timityivi. Jesús opa hei kovarã hỹnatu heishu reta: Japysa iare, tyhendu.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 8:47

Tũpa ryhevare hendu kavi Tũpa ĩñee; tẽvã shyrẽnduseãpi shara ha'ẽãpe Tũpa ryhevare.

Hechos 16:14

Hãrã pente taupe Lidia he'iashua, tenta Tiatirape'õ mondeava pynta hũũva hepyva õvẽnde'õ Tũpa õmombai'ia, jasaka kavi'ẽhe Pablo ijeta'ẽrã, hãrã Ñandeja peashu pya jasaka kavihe verã Pablo hei'õva.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

2 Corintios 9:10

Tũpa meẽ timity ñotyã verã hareka hou verã pãhã, me'ẽhapope pimityrã hareka hetavepo myhẽñope pyndekope hareka mbyhetavepope mbai ñimbivachepe pijapova rehe.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 4:17

Ha'ẽã rãnga aheka'aijyva ynga me'ẽãreiva; koñeĩ aipota me'ẽãjype hekovia pymeẽ she vekuare.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

Hebreos 4:2

Shara mbe'uha jyve ñande Ñee Kaviva, haire rãĩmi; tẽvã haire hendu vekua mba'ẽãshu reta, shara ñee hendu vekuare, jyrojakue ĩmerevare mi'ĩrũãshu japo vekuare.

Hebreos 6:7

Kova kuareta reta rãnga hãĩ yvy. Cristo jyrojaheare hãĩ yvy heta haiviheva hareka ñotyãva õhe kavi ma'ẽty'ia pevarã hareka Tũpa mãĩ kavihe.

Hebreos 8:10

Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.