Mateo 13:22 - NandevaBiblia

²² Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Mateo 13:22 Iomraidhean Croise

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 13:40

Ñanava mbatyha hareka hapyava rãĩmi rãngapo, ko yvy opa verã jy'arape.

Mateo 13:7

Ĩme'ẽjy timity oava kapiãti paũpe, hãrã hẽñorã ñana vekua opa japyraha.

Lucas 12:15

Heijyshu reta: Pymãĩ hareka pirykyje, avy piko mbai pipotareivape! Shara tykove õĩãhe maĩnunga hetava kuaretare imerea.

Lucas 12:21

Kyrã rãnga jehushu hai pevarãĩ heta mbai mbaty'ia, tẽvã mba'ẽã ĩmere Tũpa hỹnonde.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Lucas 8:14

Timĩty oava ñana mbytepe hai henduva Tũpa Ĩñee. Tẽvã ohorã mbeve katu kangy, jepy'apy, mbai pota kuere, hareka mbai porãmba pota japo i, hãrã i'ãã.

Hechos 8:18

Simón hesha Espiritu Santo ou ĩãrẽ reta apostolre ipo ñono ñynoĩhe retarã, kyrypoti mbeureshu,

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

1 Corintios 1:20

Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.

1 Corintios 2:6

Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.