Mateo 12:41 - NandevaBiblia

⁴¹ Ñimbivache arape, opavapo Ninivepe'õre piniñono porããkui Tũpa hỹnonde, porãmba pijapo vekuare. Haireta rãnga heja porãmba japo vekua Jonas ñimiñeee'ishu retarã. She hai pee, kope ĩme'ẽ pente mbai vasuveva Jonasvi.

Mateo 12:41 Iomraidhean Croise

Mateo 12:39

Tẽvã Jesús heishu reta: Tykove ñarõva Tũpa haihumba hareka ñee hendumbare jurure ñynoĩ mbai heshaha verã. Mba'ẽãpo heshahaka pee, mbai heshaha verã. Tũpa heshakapo pee Tũpa ĩñee mbeu'ia Jonas rehe japova rãĩmi.

Mateo 12:42

Mburuvisha vasu taype tenta vasu rovai kyty'õ Seva he'iashua, pũãpo jyvekui pirĩmbivacheava jy'arape hareka piniñono porããpo Tũpa hỹnonde porãmba pijapo vekuare. Shara hai yvy japyivive oho hendu verã Salomon Ñee kaviva. Tẽvã she hai pee, pente Salomonvi vateve'õ, ã'ẽ ĩme'ẽ kope.

Mateo 12:45

Haivi, oho hareka veru 7 ĩrũre mbaiposhy heko teitevevare hãrã ichepy reta hareka iko jyre haipe. Kyrã, kuimbaire hykovepe porã'ãĩteve õnepỹrõvaivi. Kyrãpo jehukui opa heko ñarõvare ã'ẽvare.

Mateo 12:6

Tẽvã haipe, kope ĩme'ẽ pente mbai vasuveva tũpaoivi.

Mateo 16:4

Tykove ñarõva Tũpa haihumba hareka ñee hendumbare jurure mbai heshaha verã ara vateivi ouva. Mẽ'ẽhãposhu mbai heshaha verã ara vateivi ouva, koñeĩ heshahakapo pee Tũpa ĩñee mbeu'ia Jonas ikohea rãĩmi. Haipe hejashu retarã oho.

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

Mateo 23:36

Ãñete hai pee, kova mbai porãmba ryheva pijapo vekua, opa ñõĩpo oa ĩãrẽ ã'ẽva kuaretare.

Lucas 11:32

Kuareta ã'ẽvãre ñimbivache arape, Ninivepe'õre pũãpojyvekui hareka ijetapo pyndyhekui Tũpa jahe pyndyrehe verã. Shara haire oujy Tũpa jykoty, henduma Jonas mbeu Tũpa ĩñeerã; hãrã ã'ẽ kope ĩme'ẽ mbai vasuveshiva Jonas.

Juan 3:31

Vate araivi ouva rãnga, opavare ĩãrẽ'ẽ. Kuaretare yvy'ĩãrẽ'õ, yvy'ĩãrẽ'õvãĩ ijetahe; tẽvã vate araivi ouva opavare ĩãrẽ'ẽ.

Juan 4:12

Yreru Jacob rãnga heja'ore ko poso, haiteiva hou hãndi tayre hareka hũmbare. Ndera mbai vasuveshi hai?

Romano 2:27

Hãme rãnga Moisés mbypara vekua japovare nimbivachekapo, ajemaĩ pire chĩchĩhãmbatẽ haivare. Shara nde ndipire chĩchĩhãmatẽvã hareka ĩmematẽ ryreva Moisés mbypara vekua, mapemba pijapotẽã.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.