Mateo 12:34 - NandevaBiblia

³⁴ Pee mboi rayre! Mãrãrapo haikaviva pere, pee pyndyreko porãmbava. Ñandypyape jarekova, ñahenduka ñandijuruivi.

Mateo 12:34 Iomraidhean Croise

Mateo 12:35

Pente pya kaviva mbai haikavivai hei, shara pyape reko mbaikavi. Heko porãmba, mbai porãmbavãi hei, shara mbai porãmba imere pyapy.

Mateo 15:18

Ñandijuruivi õhẽva ñandypyaivive, hai hoka ñanymyngyava.

Mateo 23:33

Pee mboi rayre! Marãrapo peho jepeshikui ñunũpa tata vasuivi?

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Lucas 3:7

Hãrã heishu hetavare ou ñymyngaraikashu verãre: Mboi ñymoña hãndiare! Mbavara hei pee pĩvãheshi verã ñunũpa vasu oumã'ẽverã?

Lucas 6:45

Hãrã kuimbai pya kaviva, mbaikavivãi hei, shara haikavivãi pyape ẽ; hãrã kuimbai heko porãmba katy, mbai porãmbavãi hei, shara porãmbavãi pyape ẽ. Hãrã ñandy pyape tynyhẽva jaijeta ñandi juruipi.

Juan 8:44

Ãña rãnga hai peru, hai ryheva retape hareka potaĩ pijapopishu hai potava; Ãña õñepyrõaivive rãnga hai puruka'ia. Hai japu, hareka he'iavãĩjy añeteva. Hai ijetarã mba'ety vekuaĩ mbeu, japu verãĩ kuaa, shara hai apu tuu, hãrã mbijapu jyve kuaretare.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Efesios 5:4

Avy pere mbai pyrỹmymarãva, mbai porãmbava, ñee porãmbava, jyrojavare ha'ẽã kyrã ijeta verã; hokava hendape pymeẽ pyndyvya Tũpape opa mbai meẽpevare.

Santiago 3:2

Opaiteva hetañoĩ jajavy. Ĩme'ẽ ĩñee rupii javymbaarã hokava hai pente kuimbai hekope kavi'ia, hete katu jokova.

1 Juan 3:10

Kyrã ijykuaa mbavara hai Tũpa tayre hareka Ãña tayre, shara opaite mbai haikaviva japombava hareka tyvy Cristo jyrojahea haihumbaa ha'ẽã Tũpa tay.