Mateo 12:32 - NandevaBiblia

³² Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 12:32 Iomraidhean Croise

Mateo 11:19

Hãrã, kuareta Tay pereshu: “Karu hareka houva vino, karuiteva hareka kauva, opaite mbai porãmba japo'iare hãndi, kyrypoti mbatyse'iare Roma pevarã mi'ĩrũva”. Tẽvã ãrãndu Tũpaivi ouva, mbai jajapova rupiipo ijyheshakui.

Mateo 12:31

Ãñete hai pee, Tũpa hejareiiposhi mbai porãmba japo vekua hareka ijeta porãmba jyreva. Tẽvã Espiritu Santore ijeta porãmbaheva, hejareiiãposhu.

Mateo 12:8

Shara kuareta Tay hai putu'uava ara ija jyve.

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Mateo 13:39

Ñana porãmbava ñotỹ'ia rãnga hai Aña. Ara mỹno'õha verãpe hai, ko yvy opa verã, mỹnoo'ia reta hai Tũpa jokuevare.

Mateo 13:40

Ñanava mbatyha hareka hapyava rãĩmi rãngapo, ko yvy opa verã jy'arape.

Mateo 13:55

Kova rãnga hai yvyrare mba'apo'ia tay, hareka ishy hai Maria. Tyvyre Jakobo, José, Simón hareka Judas,

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Marcos 10:30

Heja vekua hendakuepe, 100 vepo hipityjy hasa'asykue ryheve ã'ẽvãĩ ko yvy'ĩãrẽ; hoorã, tyvy, hiindy, ishy, ta'y, hareka yvy, tẽvã manomarã hipitypo tykove opambava.

Marcos 3:28

Añeteĩteva hai pee, Tũpa hejareiiposhu kuimbaire mbai porãmba japo vekua hareka ijeta porãmba'iheare.

Marcos 3:29

Tẽvã Espiritu Santo ijeta porãmbaheva mbaipe'ãĩteipo hejahareiishi, koñeĩ mbai porãmba pytapohe opa ara.

Lucas 12:10

Hãrã ĩme'ẽ ijeta porãmbaheva Kuareta Tay, Tũpa hejareiiposhu; tẽvã Espiritu Santo jahe'ihea ha'eã hejareiishu verã.

Lucas 16:8

Pyrokue'õ kuaama mbai ñyngareko porãmba'ihea katu'i jyve mbai japo verãrã, ijeta kavihe. Shara ko yvy'ĩãrẽ'õ japo'iare ha'eve jyve mbai japo verã hapishare hai rãĩmi'iare pevarã, Tũpa potava japo'ia retaivi.

Lucas 18:30

hetavepo mẽ'ẽajyshukui opa heja vekuaivi ko yvy'ĩãrẽ, hareka ara ouverãpe mẽ'ẽaposhu tykove opamba verã.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Lucas 7:34

Haivi aijyve, kuareta Tay karu hareka hauva vino, hãrã pereshu: Karuiteva hareka ka'uiteva, ñimi'ĩrũ'ihea heko porãmba hareka kyrypoti mbatyse'iare Roma pevarã hãndi.

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Juan 7:52

Haipe heishu reta Nicodemo: Galileape'õra jyve nde? Mãĩ kavipy kuatia Mbyparahava. Hãrã rikuaapo penteã Tũpa ĩñee mbeu'ia ou Galileaivi.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Efesios 1:21

hokava mbaikatupy, Tũpa opa meẽshu Cristo opaite mbaikatu espiritupy opaite ĩmereva, hareka opaite mburuvisha, hareka opaite õĩva ko yvy jerekuepy hareka py'ahu ou verã.

1 Timoteo 1:13

Ajemaĩ aryka'e poporãã aijetahe, ãmoña'are hareka ajahe arehe jyrojaheare. Tẽvã Tũpa shyparekomba, shara airojããteri, hãrã aikuãã ajapo'aiva.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.