Mateo 12:15 - NandevaBiblia

¹⁵ Jesús kuama pota juka jyreshurã õhẽ haivi, hareka heta ohova haykue. Hãrã Jesús opaĩ mynguera hasyvare,

Mateo 12:15 Iomraidhean Croise

Mateo 10:23

Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

Mateo 19:2

Kuareta hetava oho haykue, hãrã haipe mynguera ñymbairasyvare.

Marcos 6:56

Mamaĩpi Jesús ohovape, tentamire, ñuuhupi hareka tenta vasupe, kuaretare raha ñonoshu pehupi ñymbairasy vekuare, jurureshu reta ñymbairasy vekuare ma'ẽĩhe pokohe verã mondeva hymbeyre; hãrã opaite pokohe vekuare, opa kuerahe mbairasykue.

Lucas 5:22

Tẽvã Jesús opaĩ kua ẽẽ haire pyape hei õrã pyrãndushu reta: Marã'irãra kyrã pypya pimbijetapi?

Lucas 6:12

Hoka arape Jesús oho yvyturusu iãrẽ jurure verã, hãrã haipe pỹntu pukukue jurure Tũpape.

Lucas 9:11

Hãrã kuaretare kuaamajy retarã, opa ohohipi reta, Jesús mỹvãheshu retarã mbeujyshu reta Tũpa ẽvãpe'õ ryheva, hareka mynguera ñymbairasyva.

Juan 11:54

Hãrã Jesús vata veamã Judiore mbyteipi, koñeĩ õhẽ Judeaivi hareka oho yvy ikoambaipi hyvache, tenta Efrain he'iashuape, haipe pyta hãndi mboireare.

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Juan 9:4

Kõĩ terirã ajapo ñõĩpo shymbou vekua potava; shara vãhẽpo pỹntu verãpe, hãrã mbaveamapo mba'apo.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

1 Pedro 2:21

Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.