Mateo 12:10 - NandevaBiblia

¹⁰ Haipe ẽẽ pente kuimbai ipo vyrãkuashi vekua; potai ñono vaishu reta Jesús, hãrã fariseore pyrãndushu: Katura ñamynguera hasyva putu'uava arape?

Mateo 12:10 Iomraidhean Croise

Mateo 12:2

Fariseore hesha hokavarã heishu reta Jesús: Maĩndaheno, rỹmboivare japova, japoamba verã putu'uava arape.

Mateo 19:3

Fariseore ñymboja Jesús ẽvape pyahãshu verãrã pyrãndushu: Katura mbaimba reheĩ pente teme poishi hyreko?

Marcos 3:2

Hãma ñemiãpẽĩ mãĩ jyrehe, hesha verã mynguerarapo putu'uava jy'arape, ĩmere verãre mbaivarapo heihe reta.

Lucas 11:54

ñeñemĩ jyre, hesha verã javyãrapo ĩñee rupii, kyrã ĩmere verãre mbaivarapo heihe reta.

Lucas 13:14

Tẽvã huvisha Judiore ñymbatyseape'õ poshy'i shara Jesús mynguerajy putu'uava jy'arape. Haivi heishu kuaretare: 6 ara ẽẽ katu ñamba'apo verã; hãrã hoka arape rãngapo peii piñymyngueraka verã, tẽvã avypo putu'uava jy'arape.

Lucas 20:22

Mbeu ore: Õĩñoira mbyhepyashu verã mburuvishavasu Cesar, maĩrã mba'ety?

Lucas 23:14

heishu reta: Pee rãnga perushe ko kuimbai, perehe henta'õre myporãmba'õ; she apyrãndumashuje pynynonde, tẽvã porãmba aheshãhe, pee pereheva rãĩmi.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Juan 5:10

hãrã Judiore juhuvisha heishu hoka kuimbai kuerava: Putu'uava jy'ara rãnga'ẽ, ẽãnde ryraha verã ndurupa.

Juan 5:3

Haipe heta'ẽ ñeno ohova ñymbairasy vekuare; heshamba kũvaĩpiare, japava hareka vatamba vekuare, hãrõtẽ'õre yy õmyĩrã verã.

Juan 7:23

Tẽvã, hekope kavi pijapo verã Moisés mbypara vekua, sanjay kuimbaimire putu'uava jy'arapeave pire pichĩchĩshi, marã'ĩrãra pyposhypishe amynguera putu'uava jy'arape pente ñymbairasyvarãme?

Juan 8:6

Haire kyrã pyrãndushu hããshu verã retaĩ. Tẽvã Jesús jyroarã õñepyrõ yvyre mbypara.

Juan 9:16

Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.