Mateo 11:21 - NandevaBiblia

²¹ Tengapopekui kuaretare pikova tenta Corazinpe! Tengapopekui kuaretare pikova tenta Betsaidape! Tiro hareka Sidonpe japoha mbaikavire heshaha verã pynymbytepe japoha vekuarã, kurimbatẽ oujy verã Tũpa jykoty, ñymbasype mondeava hũũvape ñimimonderã, hareka vapytẽ verã tanimbupy.

Mateo 11:21 Iomraidhean Croise

Mateo 11:22

Hãrã hai pee, ñimbivache arape, punũpahã pohyvepokui tenta Tiro, hareka Sidonpe vekuaivi.

Mateo 15:21

Jesús ohẽ haivirã oho tenta Tiro hareka Sidon kyty.

Mateo 18:7

Ko yvy'ĩãrẽ mbai porãmbape pirirityva, japoãã Tũpa heiva. Shara ẽẽñoĩpo mbai porãmbava, tẽvã tengapokui kuareta mbai porãmba pirĩmbijapokava.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Marcos 3:8

Kuaama reta mbai vasu haikaviva japorã, ou jyve hesha verãre Judeavi, Jerusalenvi, Idumeavi, Jordan kuarasy õhẽaivi, Tiro hareka Sidonvi.

Marcos 6:45

Haivi Jesús heishu mboireare areã jupi verãre kanoape, oho verã yy hyvaisho kyty Betsaidape, tẽvã hai yy hymbeype ĩme mondojyrãni verã kuaretare.

Marcos 7:24

Haivi Jesús oho Tiro hareka Sidon kyty; haipe iche pente oope potambatẽ mbava kuaava, katũã ñemĩ;

Marcos 7:31

Jesús õhẽ Tiroivirã hasa oho Sidonpi, hareka vãhẽ oho yyvasu Galileape, yvy Decapolis he'iashuape.

Marcos 8:22

Jesús hareka mboireare vãhẽ jyraha Betsaidape, haipe veruashu pente kuimbai heshamba kũvãĩpia, jurure jyreshu Jesús pokohe verã.

Lucas 4:26

katynga, Tũpa mondoã Elías taupe ĩme manoshiare ẽvape, koñeĩ pente taupe ime manoshia Sareptape'ia õpe, Sidón hyvache'õ.

Lucas 6:17

Jesús vejyjy hãndi yvyturusuivi 12 mboireare, hãrã ñymbaty reta ñuu ñanamba'õpe, mboireare hareka kuaretare oho hãndiva, Judea, Jerusalén, Tiro hareka Sidon hỹmbeyvi, jyveru jasakahe verã Jesús ĩñee, hareka myngueraha verã mbairasyivi.

Lucas 9:10

Apostolre opajymã ourã, mbeushu reta Jesús, opa mbai haire japova. Haivi Jesús rahashu reta hã'ẽi'õpe, õĩãmbaipi tenta Betsaida he'iashuape.

Juan 1:44

Felipe hai Betsaidape'õ, Pedro hareka Andres iko'iape.

Juan 12:21

Kovare ñymbojahe Felipe, hai jyve tenta Betsaidava, Galileape'õ, jurureshu reta: Karai, pota rãnga heshahave Jesús.

Hechos 12:20

Herodes poshyshu opaite kuareta Tirope õre hareka Sidon, tẽvã haire pente ñeepe ñynoĩ jyveru verã hai ẽvãpe, Hareka meẽreta kyrypoti Blastope ijeta kavihe verãre. Blasto hai huvisha vasu Herodes hentape mboryrea vate'õ, hãrã jurure reta ẽejy verã pya vapy, shara haire nohẽ reta hou verãre mburuvisha jy yvyivi.

Hechos 27:3

Parejyrã vãhẽhã ohoha tenta Sidonpe varko ñymbo'yseape. Julio ñyngareko kavihe Pablo hareka ma'ẽĩhe oho marãndu kuavare hoka tentape'ẽvã, haire mboryshu verã opa mbai ikotẽvẽape.

Judas 1:11

Tengapo retakui! Shara Caín rãĩmi jyre, hareka Balaam rãĩmi kyrypoti pota retarã mbyry javy, hareka ñee henduã retarã Core rãĩmipo opa mano.

Apocalipsis 11:3

Hareka she amondopokui mokue heshava, jyhasa'asype mondeava hũũvapepo ñimimonde, mambeu verã ñee iko verã mbahapy ãño hareka ova jasyheape”.

Apocalipsis 6:12

Avisha Ray 6 sellohea pearã, ahesha iko yvyryryvasu. Kuarasy opa hũũ mondeava jyhasa'asype mondehava rãĩmi, hareka jasy turuvy rãĩmi pyta,