Mateo 10:41 - NandevaBiblia

⁴¹ Ĩme'ẽ mỹvãhẽva ko Tũpa ĩñee mbeu'ia hairã, Tũpa mbyhekoviañoĩposhu Tũpa ĩñee mbeu'ia mbyhekoviashuva rãĩmi. Ĩme'ẽ myvãhẽva kuimbai heko kavivarã, Tũpa mbyhekoviajyposhu ko kuimbai heko kaviva Tũpa heiva japo'ia rãĩmi.

Mateo 10:41 Iomraidhean Croise

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 25:44

Haipe haire heiposhu: “Yreja, mbaipera ore ndyreshaha nymbahyrã, ndu'uherã, maĩrã mbyryvanderã, nynanirã, ñymbai rasyrã, nymbyperesoavape, hareka nymboryhambava?”

Mateo 25:45

Mburuvisha heiposhu reta: “Ãñeteĩte haipe, hoka pijapo mbavekua pente mishĩveva rehe, pijapoã jyve shy rehe”.

Mateo 6:1

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Mateo 6:18

hãrãpo kuaretare kuãã rykarumbape rẽĩrã. Koñẽĩ Nderu vate arapy'õ heshapo ñemiãpẽi rijapova; hãrã myngoviapo nde hetavare hỹnonde.

Mateo 6:4

Ñemiãpẽipo rijapo hareka Nderu opa hesha ñemiãpeĩ rijapova, haipo mbyhekoviandekui.

Mateo 6:6

Nde rirure potarã, iche ndero'ipe, mboty nyrõche, hãma jurureshu Nderu neĩĩ rẽĩvape. Kyrã Nderu hesha ko neĩĩ rijapovarã, hetavare hỹnondepo opa mbyhekoviajyndekui.

Mateo 7:8

Jurureva rãnga me'ẽãposhu, hekava vãhẽposhu; hareka õche nũpava pe'aposhu.

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Romano 16:23

Pynymarãndu Gayo, shymyhendava hareka opaite tũpaore. Erasto mymarãndu, hokava tentape kyrypoti ñyngareko'ihea hareka ñadyryvy Cuarto.

1 Corintios 9:17

Hãmeara, shykyrẽyvi ambeu'airã, me'ẽãposhekui ajapova hepykue. Shara pyrãnduhãã she shykyrẽyra ajapo, he'ia rãnga she ajapoñoĩ verã!

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

2 Juan 1:8

Pingareko pindijeheshi reta avypo õñehundirei pyndyhevikui pijapova hepykue, mahẽ opakaviã mbyhepyapekui.