Mateo 10:22 - NandevaBiblia

²² Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 10:22 Iomraidhean Croise

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Mateo 24:13

Tẽvã tãtangatu ẽẽva japypeve, ohojepepokui.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Lucas 21:17

Opaite yvy jerekueipi pyndyreshatããpo shimimboiperã rehe.

Lucas 21:19

Tãtãkatu peĩrã, peojepepokui.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Juan 17:14

She rãnga ambeushu reta niñee, hãrã kuareta yvy'ĩãrẽ'õ jyrojamba ndyrehevare mymorãã reta, shara haire ha'ẽã ko yvy'ĩãrẽ'õre, she rãĩmi ha'ẽã jyve reta ko yvy'ĩãrẽ'õ.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

Hechos 9:16

She ambyheshakapo heta hasa'asy verã shyreepe jyrojarã.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

1 Juan 3:13

Shyryvyre, avy hãĩrã pyheshava rãĩmipi kuaretare ko yvy ĩãrẽ'õre pyndyreshatããrã.

Apocalipsis 2:10

Avy kyje ryhasa'asypo rẽĩvare; Ãña rãnga ã'ãmo hããposhu hareka minjekapokui mbyperesoha verãpe pyhasa'asypo 10 ara. Tanta jyroja rỹmanopeve, hãrã she ameẽponde tykove opamba.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.

Apocalipsis 2:26

Opaite õhẽkaviva ñyrãrõivi hareka japova aipotava ara japyapeve, ameẽposhu mbai katukue reko verã tentavasu retare,

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.