Mateo 10:2 - NandevaBiblia

² Kova hai 12 apostol reta hee: Tynonde'ẽ Simón mbyheajyva Pedro, hareka tyvy Andres; Santiago, hãndi tyvy Juan, Zebedeo tayre;

Mateo 10:2 Iomraidhean Croise

Mateo 17:1

Haivi 6 arajyape Jesús rahashu Pedro, Santiago hareka tyvy Juan, jupi reta yvyturusure.

Mateo 20:20

Haivi ñymboja Jesús ẽvãpe Zebedeo hyreko, membyre hãndi Santiago hareka Juan, hãrã ĩñesu Jesús hỹnonde jurureshu verã pente mbai.

Mateo 26:37

Hãrã raha Pedro hareka mokue Sebedeo tayre. Haivi õñepyrõ ñãndu'ijehe vyamba.

Mateo 4:18

Jesús vata oho yyvasu Galilea hỹmbeipirã, hesha Simón, Pedro he'iashua hareka tyvy Andrés. Hai reta rãnga pira nohẽ'iare, yype mombo ñynoĩ jypysare.

Mateo 4:21

Jesús oho poshyjyrã heshajy pente'ovare Jacobo hareka Juan, Zebedeo tayre. Haire tuu hãndi jakatu ñynoĩ jypysare kanoape. Jesús hẽnoshu reta,

Marcos 1:29

Õhẽjy Judiore ñymbatyseaivirã Jesús oho Simón hareka Andres hentape, hãndi Jacobo hareka Juan.

Marcos 13:3

Hãma jyraha reta Ñana'õ Olivoty tũpao hỹnonde, haipe Jesús vapy'ẽrã, Pedro, Jacobo, Juan hareka Andres pyrãndushu reta hã'ẽĩ õpe:

Marcos 6:30

Hãma apostolre jyveru ñymbatyjy hãndi Jesús, haipe mbeushu reta opaite japovare hareka pyrỹmboihe vekuare.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Lucas 22:14

Vãhẽma orarã, Jesús hareka jy'apostolre vapy hãndi reta mesape.

Lucas 22:8

Hãrã Jesús mondo Pedro hareka Juan, heishureta: Pekua, opa pymyhẽvã ñande Pascuape jau verã.

Lucas 5:10

Kyrãĩ jyve Jacobo hareka Juan Zebedeo tayre, Simón ñi'irure. Tẽvã Jesús heishu Simón: Avy kyje; ã'e haimapondekui kuaretare nohẽ'ia.

Lucas 9:10

Apostolre opajymã ourã, mbeushu reta Jesús, opa mbai haire japova. Haivi Jesús rahashu reta hã'ẽi'õpe, õĩãmbaipi tenta Betsaida he'iashuape.

Juan 12:22

Felipe oho mbeushu Andres, hãrã mokuevea jyraha mbeushu Jesús.

Juan 13:23

Pente mboirea Jesús haihuveva, vapy'ẽ jichere karu ñynõĩrã,

Juan 20:2

Haipema ñani oho Simón Pedro ẽvãpe, hareka Jesús mboirea haihuva'õpe, heishu reta: Ñandeja hetekue nohẽãngamba rahaha ita jo'oavaivi, hareka jaikuãã mãĩpira ñonoha!

Juan 21:2

Opaĩ ñynõĩ penteapeĩ Simón Pedro, Tomas mbyheeavajy mokuepya, Natanael tenta Caná Galileape'õ, Santiago hareka Juan Zebedeo tayre, ĩrũ mõkue Jesús mboireare hãndi.

Juan 21:20

Pedro jerepyrã hesha oho jyre haykue mbo'eharea Jesús haihuveva, karu ñynoĩrã vapy'i hyvacheva hareka pyrãndu'ishu vekua: “Yreja, mbavara yrỹmbyteivi ndypysykapokui?”

Juan 21:24

Jesús mboirea haihuva hai ijeta'ẽheva kova mbai, hai mbypara kova kuatia. Hãrã jaikuaa opaiteva heiva añeteva.

Juan 6:67

Haipe Jesús pyrãndushu 12 mboireare: Peera patẽyma shimi'ĩrũpi jyve?

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Juan 6:71

Kyrã heirã, Jesús ijetahe Judas, Simón Iscariote tay. Shara Judas hai Jesús pysyka verã, haitẽ jyve penteva 12 mboireare.

Juan 6:8

Hãrã Andres, Simón Pedro tyvy, mboirea jyve heishu Jesús:

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Hechos 1:26

Haipe mombo reta jyvareahearã hãrã Matias oahe pyhyrõã verã. Haivi pyta hãndi reta 11 ia Apostolre.

Hechos 12:2

Hãrã mondo jukaka Jacobo kyse pukuvape, Juan tyvy,

Hechos 3:1

Pente arape ka'arumima ohorã Pedro hareka Juan oho reta tũpaope jurure verãre.

1 Corintios 15:7

Kỹỹma'ẽrã ijeshakajyshu Jacobo, haivi opaite apostol retape ijeshaka.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Juan 1:1

She Juan, shyryvyre Tũpa pyhỹrõ vekua pevarã hareka memby retape añetevape apyryraihu, ha'ẽã sheĩ, opaite añeteva kuava reta rãnga jyve,

3 Juan 1:1

She Juan, akuakuamava ambyparashu kova kuatia, shyryvy Gayo añete ahaihuva.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 18:20

Ryvy'apo nde ara vate'õ, pyvy'apo jyve pee heko kyambare, apostolre hareka Tũpa ĩñee mbeu'iare, shara Tũpa nũpamarã, japomape ñimbivacheva ryheva.

Apocalipsis 22:8

She, Juan ahesha hareka ahendu opaite kova mbai. Hãme ahesha hareka ãhẽndumarã, ãiñesu Tũpa jokueva hỹnonde amombaishu verã opaite shymbyheshakava rehe.