Mateo 10:15 - NandevaBiblia

¹⁵ Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 10:15 Iomraidhean Croise

Mateo 12:36

She hai pee, ñimbivache arape opavare mbeupokui Tũpape mãrã'irãra hei reta ñee porãmba vekua.

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Mateo 7:22

Hokava ara vãhẽmarã, hetapo'ẽ heisheva: “Sheja, Sheja, ndyreepe rãnga ore ñimiñe'ẽhate'i jyve, ndyreepe mohẽha'i mbaiposhyre, ndyreepe heta japoha mbaikavi heshaha verã”.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Juan 6:39

Hareka kova hai Sheru shymbou vekua potava; ãmykañymba verã hai meẽsheva, koñeĩ amynguerajy verã ara japyape.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

1 Tesalonicenses 5:4

Tẽvã pee shyryvyre pimeã pẽĩ pyntuape, pyndysapya verã Ñandeja jy'ara, ouva manãrõ'ia rãĩmi.

Hebreos 10:25

Avypo japoi jaha ñymbatyha'õpe a'ãmore jypykuava rãĩmi, opaiteva ñaiñymykyrẽỹ katu jairojavehe Tũpa, hai ĩãrẽ pyhesha kooĩma vãhẽ ou ararã.

2 Pedro 2:6

Tũpa jahembahe arykai tenta vasure Sodoma hareka Gomorra; opa hapy ñytanimbupeve, heshaka verã mbaivarapo jehu heko kyava retape.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

1 Juan 4:17

Kyrãrãpo jyhaihu jykuaakavi ñandyrehekui, jakyjeveama verã pirĩmbivacheava jy'arape, shara Jesucristo iko vekua rãĩmi jaiko ko yvy'ĩãrẽ.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.