Mateo 10:14 - NandevaBiblia

¹⁴ Hãrã pymyvãhẽseã, hareka pynyrẽndusearã, pẽhẽshi hoka oo, hareka tentamire'õĩvi, hãrã pepy pymytymoshi yvytimbokue.

Mateo 10:14 Iomraidhean Croise

Mateo 10:13

Haipe'õ kuaretare hentape pynymyvãhẽ kavirã, pyhejashu reta ko ñymymarãndu pyavapy, haire mba'ẽãshurã timejype.

Mateo 18:5

Ĩme'ẽ kuareta shyreepe myvãheva ko sanjay rãĩmi, shee shymyvãhe.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Marcos 9:37

Ĩme'ẽ myvãhẽva shyreepe kova sanjay rãĩmivarã, she shymyvãhẽ. Shymyvãhẽva ha'ẽã shẽĩ shymyvãhẽva, shymbouvape rãnga myvãhẽ jyve.

Lucas 9:48

Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

Lucas 9:5

Hãma ĩme'ẽ potamba pymyvãhẽvarã, pẽhẽ hoka tentaivi hareka pymytymoshi pepy ryheva yvy tĩmbo, mbe'uha verãre hẽndusembava Tũpa ĩñee.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Hechos 13:51

Hãrã Pablo hareka Bernabé mytymõhe reta ipyre'õ yvy timbo, hãrã jyraha Iconiope.

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.