Mateo 1:1 - NandevaBiblia

¹ Kova hai tyree arykaivare Jesucristo ndei ourã vekua, hai David hareka Abraham ñymoñashiare.

Mateo 1:1 Iomraidhean Croise

Mateo 1:18

Jesucristo oarã kyrãmba: Ishy, María heima reko verã José; tẽvã ndeitẽ jyrekovare María purua Espiritu Santo rupii.

Mateo 1:2

Abraham, Isaac tuu, Isaac, Jacob tuu; Jacob, Juda hareka tyvyre tuu.

Mateo 15:22

Pente taupe Canaanpe'ia, ñymboja Jesús ẽvãperã sapuke: Sheja, David tay, shyparekomĩteño! Shymemby taupe ĩme'ẽ mbaiposhy ĩmere, hareka mbypaveteitereshu.

Mateo 3:16

Jesús ñymyngaraimarã, yyvi õhẽrã jypeashu ara vate'õ, haipe Jesús hesha Tũpa Espiritu, pykasu rãĩmi vejy ĩãrẽ.

Mateo 9:27

Jesús õhẽjy haivirã, haykueivi ou mokue kuareta heshamba kũvãĩpiare, sapuke jyveru: Yryparekomĩnteve David tay!

Lucas 1:33

Hai ikoposhi Jacob henta ĩrũre Juhuvisha vasu. Hãrã hai'ẽpo opa ara pevarã, japyveamapo.

Juan 7:42

Mbyparahavape rãnga hei: Hokava Cristo haipokui huvishavasu David ñymoñashi vekua hareka Belenpe'õ, David henta, haivipo ou Cristo.

Hechos 2:30

Tẽvã David hai Tũpa ĩñee mbeu'ia, kuaakavi Tũpa meẽshu ĩñee ñono verã pente tay mburuvisha vasurã.

Romano 1:3

Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,

Romano 4:13

Shara ñee me'ẽãshuva Abraham hareka opaite ñymoñashiare opa pytashu verãre yvyjerekue ha'ẽã, japoã Moisés mbypara vekuape'õrã, shara Tũpa heimahe heko kaviva jyrojakue rupii.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

2 Timoteo 2:8

Nymanduahe Jesucristo, manovare paũvi puãjy vekua hareka David ñymoña hãndi vekua, kyrã rãnga hei ñee kavi ambeu aiva,

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.