Marcos 8:2 - NandevaBiblia

² Aparekonytẽ ko kuaretare, mbahapy arama'ẽ shendie, hareka mba'etyre reta hou verãre.

Marcos 8:2 Iomraidhean Croise

Mateo 14:14

Jesús vejy kanoaivirã hesha hetava kuimbai retarã parekoshu reta, hãrã mynguera ñymbairasyva haire verushuare.

Mateo 20:34

Haipe Jesús parekoiterã pokoheshu hesare, hãrã haipevãĩ heshamba kũvãĩpiare, heshajy hareka jyrahahipi reta.

Mateo 9:36

Jesús maĩhe kuareta retarã, parekoshu reta, shara haire kangyrã opa ipy reta, avishare ijamba rãĩmi jyre.

Marcos 1:41

Jesús parekoiterã, ipo mondoshu, pokoherã heishu: Aipota rãnga, kuera!

Marcos 5:19

Tẽvã Jesús he'iãshu, koñeĩ heishu: Ekuajy nyrẽntape hareka mbeushu nyrẽtãrãre, mbai Ñandeja japo ndyreheva, hareka marãra ndypareko.

Marcos 6:32

Haivi Jesús hareka mboireare jyraha kanoape hã'ẽĩ yvy ikoambaipi.

Marcos 6:34

Jesús vejy kanoaivĩrã, hesha kuareta heta vekua, parekoshu reta, shara avishare ñyngarekoambahea rãĩmi jyrerã, haipe õñepyrõ heta mbaire mboishu reta.

Marcos 8:3

Ñymbahy ryheve ãmondojy hentaperã, ĩmepo'ẽkui pya mamano'ia pehupi; shara ĩme'ẽ mbyryivi ouvare.

Marcos 9:22

Hetajy rãnga ityshu tatape hareka yype potaite jukarã; ĩme'ẽ katu rijapohevarã, yrypareko hareka ỹrỹmborymitẽ.

Lucas 15:20

Hãrã haipe pũã ohojy tuu ẽvãpe. Hãrã mbyryteri ouva hesha tuurã parekoshu, hãrã ñani oho hỹnonde hỹvãĩtimarã kũãva jajuipi, marãndurã hovape pyteshu.

Lucas 7:13

Ñandeja hesha taupe ime manoshia, parekoiterã heishu: Avy jaheo.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 5:2

Pa'irã'õ katu hãrõkuaashu pirĩmbijiche'iare hareka mbai porãmba japo'iare, shara hete kangy jyve yngavare rãĩmi,