Marcos 4:8 - NandevaBiblia

⁸ Tẽvã ĩme'ẽjy oava yvy kavivape, hẽño, vatema ohorã heta'ia, ĩme'ẽ iava 30, ĩrũ 60 hareka 100 kavi pente jypyivi.

Marcos 4:8 Iomraidhean Croise

Mateo 13:23

Tẽvã ĩme'ẽ timity oava yvy kaviape, hokava hai henduva Tũpa ĩñee, hareka kuaa kaviva mbaivara he'ise. Hokava ia kavi. Pente hãỹvi 100, yngava 60 hareka ĩrũ jya 30.

Mateo 13:8

Tẽvã ĩme'ẽjy timity oava yvy kaviape hãrã ia kavi, ĩme'ẽ iava pente hãỹvi 100, ĩrũ jypyre 60, yngava jypyre 30.

Marcos 4:20

Tẽvã ĩme'ẽjy yvy kaviape oava: Hokava reta hai hendu Tũpa ĩñeerã pysykaviva, hãrã ia 30, ĩrũ 60 hareka 100 kavi ia.

Marcos 4:7

Ĩme'ẽ oava kapi'ãti pãũpe, hoka ñanavã vatema ohorã opa jasoi.

Marcos 4:9

Haivi Jesús heishu reta: Ĩme'ẽ japysa'iarã, tyhendu.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Lucas 8:8

Tẽvã ĩme'ẽ timĩty oava yvy kaviape. Hẽñorã ia 100 peve pente timityivi. Jesús opa hei kovarã hỹnatu heishu reta: Japysa iare, tyhendu.

Juan 15:5

She hai uva jypy, hãrã pee hai hãkare. Hãrã ẽẽ shyreheva hareka she ãiheva rãĩmi, hetapo ia; shara shyrehembape mba'ẽãpo pijapo.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Efesios 2:21

Cristo rupii rãnga oo opa kavi oja ijehe, pũã oho ikoshi verã pente tũpao heko kyamba oja kaviheva Ñandeja.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.