Marcos 3:5 - NandevaBiblia

⁵ Haipe Jesús poshy ryheve mãĩ jurirã mbyvy'ã pya tãntaĩte retarã, hãma heishu hoka kuimbai: Mysymyĩ ndepo. Ko kuimbai ipo mysymyĩrã, kuera.

Marcos 3:5 Iomraidhean Croise

Mateo 12:13

Haipe Jesús heishu kuimbai: Mysymyĩ ndepo. Hãrã mysymyĩ iporã kuera. Hyvaisho rãĩmi.

Marcos 3:4

Haipe pyrãndushu yngare: Mbaivara katu jajapo putu'uava jy'arape, haikavivara maĩrã porãmbara? Ñamondojeperapo pente tykove, maĩrã jajukarapo? Tẽvã haire mba'ẽã heishu reta.

Lucas 13:15

Ñandeja heishu: Pee tykove hova mokue'iare! Peera pijoraã kueĩpi punurũmba buey, maĩrã mbirika putu'uava jy'arape pyraha pymbyu verã?

Lucas 17:14

Jesús heshamãrã heishu reta: Pekua pijeshakashu paire. Haivi jyraha retarã opa kuera.

Lucas 6:10

Hãrã Jesús mãihe opaite kuaretare juri'õ, hãrã hei kuimbai ipo japavape: Ndepo mbipyso. Kuimbai kyrã japo, haivi kuerahe ipo.

Juan 9:7

Haipe heishu: Ekua jyvai yy noovã Siloepe (he'iseva: “Jokuehava”). Heshamba kũvãĩpia oho jyvai, hãrã oujyrã heshama kũvãĩpi.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

2 Corintios 3:14

Tẽvã kuããmba reta mbaivara he'ise, shara ã'ẽpeve haire mbijeta tynonde ñee me'ẽãva'ẽpyarã, hokava jochashi reta kuaa verã, shara hokava tyrova mbykaso'iapya Cristo rupii katu hekyha.

Efesios 4:18

hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.

Efesios 4:26

Pee pyndyposhyrã, avy mbai porãmba pijapo; hareka avy tiche jepe pyndyhevi kuarasy, pypoi pyndyposhy verã.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Hebreos 3:10

Hãme rãnga shyposhyshu kuaretare ã'ẽvare, hareka hai: Ikoñoĩ retakueipi haimbaa shyrapeipi, shara haire kuaãmba reta shyrape.

Hebreos 3:17

Hareka mbava retara Tũpa poshy hãndi 40 ãño? Ha'eãra mbai porãmba japo'iare hãndi, haire mano reta yvy ikoambaipi?

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Apocalipsis 6:16

Hãrã heishu yvyturusure hareka ita vasupe: Pea yrẽãrẽrã ĩrĩñomishi vapyhaseape vapy'õ hỹnondeivi hareka Avisha Ray poshykueivi,