Marcos 13:8 - NandevaBiblia

⁸ Hãma tentavasure hareka mburuvishavasure opapo pũã ijehe; oparupipo iko yvy ryry, hareka õĩpojy ñymbahy; kova hai jyhasa'asy tynonde'õre.

Marcos 13:8 Iomraidhean Croise

Mateo 24:8

Kova opaite haipo õñepyrõhea ara jahasa'asy verãpe.

Marcos 13:7

Pikuama ñyrãrõva ikorã hareka mbe'uha ñyrãrovarã, avy pykyje, shara kyrãñoĩpo iko; tẽvã ha'ẽã opamahe verã.

Marcos 13:9

Tẽvã pingareko katu pindijehe. Shara ĩmepo'ẽ pyndypysykarã pyndyrahava mburuvishare hỹnonde hareka punũpa verã Judiore ñymbatyseaipi. Shyryhevaperã pyndyrahapo mburuvisha vasu hareka huvishare hỹnonde, shyreepe piñymbeushu verãre.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

1 Tesalonicenses 5:3

Kuaretare heima jyrerã: “Haikavi rãnga ñaĩ hareka mba'ety ñanymbyvyamba'õ”, haivi sapy'aĩpo vãhẽ ĩãrẽ reta ñehũndivasu, taupe purua'ia vãhẽshua rãĩmi mbai hasykue, hãrã mba'etypokui ñemishi verã.

Apocalipsis 6:4

Haivi õhejy pente kavaju pyntava, ĩãrẽ vapy'ia me'ẽhãshu mbaikatu heky verã pyavapy yvy ĩãrẽivi, hareka kuaretare opa ijuka verã, me'ẽãjyshu pente kyse marẽyva.