Marcos 12:1 - NandevaBiblia

¹ Jesús ijetashu reta ñee ñymyhã'ãnga rupiirã hei: Pente kuimbai ñoty uva jy'yvype, opa mangora; haivi japokajyshu uva ñamihã'ẽ verãpe. Mũpũãjy pente oo vate'õ, haivi ñyngareko hareka maĩ'ẽhe verã. Haivi hepyre porykashu ju'uva rẽnda mba'apo'ia retarã, oho mbyry.

Marcos 12:1 Iomraidhean Croise

Mateo 13:3

Haivĩ Jesús mboishu reta heta mbai, pory ñee ñymyhã'ãnga rupii, heishu reta: Pente mã'ẽtỹ'ia õhẽ ñimĩty.

Mateo 21:28

Jesús pyrãndushu reta: Mãrãra perereshu kova. Pente Kuimbai ĩmere mõkue tayre. Tynondevape hei: “Shyray, ekua mba'apo shu'uva rẽndape”.

Mateo 21:33

Pyhendu jyve ko ñee ñymyhã'ãnga: Pente kuimbai ñotyka uva jy'yvype; opama mangorarã, japokajyshu uva ñamĩã verãpe. Mupũãjy pente oo vate'õ, haipe ẽẽ verã mãĩ'õ hareka ñyngarekohe verã jy'yvy. Haivi porykashu ju'uva rẽnda hepyre ñimĩty'ia retaperã, mbyry oho.

Mateo 21:34

Vãhẽma ara uva ia myno'õhã verãperã, ko karai mondo jokuehareireare, mba'apo'õre ẽvãpe, veru verã uva hai pevarã.

Mateo 25:14

Kova huvisha vasu vate arapy'õ ryheva, ova pente kuimbai ohopo'õ ynga tentape, haipe hẽno jokuehareirea retape meẽshu verã kyrypoti ña'ãpovare.

Marcos 11:33

Hãrã heishu reta Jesús: Kuaahããny. Hãma Jesús hei jyveshu reta: Ambe'ũãpo jyvepe marãva mbaikatu rupiira ajapo'ãĩ kova mbai.

Marcos 13:34

Pente kuimbai mbyry ohova rãĩmi; hoo hejashu jokuereirea, hãma pepenteĩ ñonoshu japo verã, hãrã õchepe ñyngareko'õ heishu ochemba'ẽ verã.

Marcos 3:23

Jesús hẽnorã mbeushu reta pente ñee ñymyhã'ãnga heiva: Marãrapo Satanas mohẽjy yngava Satanas?

Marcos 4:2

Hãrã heta mboishu reta mbai ñee ñymyhã'ãnga rupii, hãma pyrỹmboi'ẽrã hei:

Lucas 15:13

Mbovy aramajyrã tay ndeiveva opa mbaty ĩmerearã mbyry oho, ynga yvype; haipe oho iko'i kuaã japoite verã japo'i porãmba ijyjokombape opa pory hai imere vekuami.

Lucas 19:12

Hãma hei: Ĩmemba'ẽ pente kuimbai mbai vasuva mbyry ohova ynga tenta kyty, mbyheaa verã huvisha vasurã, hãrã oujypo.

Lucas 22:9

Haire pyrãndushu: Mãperapo ripota myhẽvãhã?

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Hechos 7:38

Ha'ẽĩ rãnga jyve Moisés iko jyre hãndi kuaretare yvy ikoambaipi, hareka Tũpa jokueva ijeta hãndiva yvyturusu Sinaipe, hãndijy ñanytynondevare hareka hai me'ẽãshu ñee tykove meẽva myvãhẽ ñande verã.