Lucas 9:56 - NandevaBiblia

⁵⁶ She, Kuareta tay rãĩmi ai vekua yvy'ĩãrẽ, aiã aivarehe verã kuaretare, ai ãmondojepe verãĩ rãnga. Haivi jyraha reta ynga tentape.

Lucas 9:56 Iomraidhean Croise

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Mateo 18:11

She Kuareta tay rãĩmi aiva ko yvy'ĩãrẽ, ai ãnohẽ opavape mbai porãmbape jeky verã.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Mateo 5:39

Tẽvã she hai pee: Avy pymbyhekoviajyshu mbai porãmba japo pyndyreheva; ĩme'ẽ ndyrovaipi nupavarã, meẽjyshu ndyrova hyvaisho.

Lucas 19:10

Shara Kuareta Tay ou heka hareka mondojepe verã kañy vekuare.

Lucas 22:51

Jesús hei: Pyma'ẽĩhese, haima. Hãma kuimbai nambi pokoherã, mynguera.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Lucas 9:55

Tẽvã Jesús mãĩ jykotyrã hareka poshy ryheve heishu reta: Pee pikũãã mãrãva espiritu ryhevara pee.

Lucas 9:57

Hãma jyrahama retarã, pente kuimbai heishu Jesús: Sheja, pota rãnga ahave ndipii rehovaipi.

Juan 10:10

Manarõ'ia koñeĩ ou manarõ verã, puruka, hareka pyrỹmbai verã; tẽvã she ai ameẽ verã tykove, hareka heta pyree verã tykove.

Juan 12:47

Ĩme'ẽ shiñee hendutẽva japombavarã, sheeãpo ajahehe. Shara she aĩã ko yvy'ĩãrẽ ajahehe verã kuaretare, koñeĩ she ai amondojepeshu verãre.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Romano 12:21

Avy heja porãmbavaĩ tijepy ndyrehe. Kyrãtẽ verã, jepyhe porãmba haikavivapy.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.