Lucas 9:51 - NandevaBiblia

⁵¹ Hãma vãhẽserima vate arapy hupiajy verãrã, Jesús hei oho verã Jerusalénpe.

Lucas 9:51 Iomraidhean Croise

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Lucas 12:50

Tẽvã ahasapo jyhasa'asy rupii, ñymyngaraiva rãĩmi; hareka ajepy'apytẽ hãrã aipotama hokava iko!

Lucas 13:22

Jesús hasa oho tenta retaipi hareka tentami retaipi, pyrỹmboi hareka hasavaipi Jerusalén kyty.

Lucas 17:11

Hãma Jesús oho Jerusalén kytyrã hasa Samaria hareka Galileaipi;

Lucas 18:31

Jesús hẽno hã'ẽĩ'õpe 12 mboirea retarã heishu: Ã'ẽ jahapo Jerusalén kyty, haipepo opa iko Tũpa ĩñee mbeu'iare heihe vekuare Kuareta Tay,

Lucas 19:11

Haire hendu reta kovarã, Jesús mbeujyshu reta pente ñee ñymyhã'ãnga, shara mbyryvẽãma'ẽshi Jerusalén, hareka haire pya mbijetajyrehe Tũpa ẽvãpe'õ ryheva aremba heshaha verã.

Lucas 19:28

Jesús opama hei kovarã, oho Jerusalén kyty.

Lucas 24:51

Ohovasa teri'ẽshua retapeĩ syry ohoshi retarã rahaha vate arape.

Lucas 9:57

Hãma jyrahama retarã, pente kuimbai heishu Jesús: Sheja, pota rãnga ahave ndipii rehovaipi.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 16:5

Tẽvã ã'ẽ ahajypo shymbou vekua ẽvãpe, hareka mba'ety pynymbytepe pyrãndusheva matyrapo aha.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Hechos 1:9

Hokava opama heirã Jesús, mãĩ ñynoĩheapypeĩ hupiha vate arapy, haipe ãvãpyntu opa jasoirã hãrã heshaveã reta.

Efesios 1:20

Hãma Tũpa mynguerajy Cristorã, meẽshu ẽẽ verãpe vate arapy, jakata kyty hai vapyape,

Filipenses 3:14

Ahaterihe ãvãhẽ verã japyape, hareka apity verã me'ẽãreiiva Tũpa ñanyrẽno ñamyvãhẽ verã Cristo Jesús rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 6:20

haipemba iche aryka'e Jesús japo ñande verã pente tape, kyrã ikoshi pai ruvisha vasu opa ara pevarã, Melquisedec heko rãĩmiva.

1 Pedro 3:22

haivi hai jupi vate arape hareka ĩme'ẽ Tũpa jakata kyty. Tũpa jokuevare ĩãrẽve ẽẽ verã hareka opaite espiritu mbaikatu ĩmerevare.