Lucas 9:44 - NandevaBiblia

⁴⁴ “Pyhendu kavi kova hareka avy pyndysarehekui; kuareta Tay mẽ'ẽhapokui kuaretare ipope”.

Lucas 9:44 Iomraidhean Croise

Mateo 16:21

Hokava araivive Jesús mbeushu mboireare hai oho verã Jerusalenpe, hareka haipe mbyhasa asypo kuakuavare, pai ruvishare, hareka Moisés mbypara vekua pyrỹmboi'iheare ipope. Jesús heishu reta: She ãmanopokui tẽvã mbahapy arapepo shyrykovejy.

Mateo 26:2

Pee rãnga pikuaa, mokue ara paskua arete verãpe. Hãrã kuareta Tay me'ẽãpo kurusure mbysavavaha verã.

Marcos 8:31

Jesús õñepyrõ mbeushu mboireare hai kuareta Tay hasa'asyñoĩ verã, heshatambaa verã Judio juhuvishare, pai ruvishare hareka Moisés mbypara vekua pyrỹmboi'iheare. Heijyshu reta hai jukaha verã, tẽvã kuerajypo mbahapy arape.

Marcos 9:31

shara mboi'ẽ mboireare. Heishu reta: Ko kuareta Tay ñonoãpokui kuaretare ipope, haire jukapokui, tẽvã mbahapy arapepo kuerajykui.

Lucas 1:66

Hãma opaite kova mbai henduvare pya mbĩjeta hareka pyrãndu ijupe reta: Mbai verãtepokui ko sanjay? Shara Ñandeja añetevape ẽẽ hãndi.

Lucas 18:31

Jesús hẽno hã'ẽĩ'õpe 12 mboirea retarã heishu: Ã'ẽ jahapo Jerusalén kyty, haipepo opa iko Tũpa ĩñee mbeu'iare heihe vekuare Kuareta Tay,

Lucas 2:19

Maria pyapẽĩre opaite kova mbai ñee hareka py'ãĩ mbijetarehe.

Lucas 2:51

Haivi Jesús oujy hãndi reta Nazaret kyty, iko'iape japoshu reta hai heishuare. Tẽvã ishy pyape opa nãtu kova ñee.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Lucas 9:22

Hãrã heishu reta: “Kuareta Tay hetapo hasa'asykui”, mbijicheposhu karai kuakuavare, pai ruvishare hareka Moisés mbypara vekua pyrỹmboi'iheare. Hãma jukapo retakui, tẽvã mbahapy arapepo kuerajykui.

Juan 16:31

Jesús heishu reta: Ãñeterã ã'ẽ pyrojama?

Juan 16:4

She hai pee kova mbai, ikomarã pynymanduahe verã ambeumapeva kova. Tẽvã jypyiterã ambe'ũãpe kova mbai, shara ãĩmeteri'ãĩ pynymbytepe.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.