43 Hãrã kuaretare opa mbyrymaĩ heshama reta Tũpa ñymbaikatukuerã. Hãma opavare mbyrymaĩ Tũpa ñymbai katukue hesharã, Jesús heishu mboireare:
Ikojyre Galileaperã Jesús kyrãĩ ijetashu mboireare: Ko kuareta Tay, me'ẽãpokui kuaretare ipope.
Jesús jupi hãndi reta kanoaperã yvytu vasukue pyta, haire mbyrymaĩ hokava heshamarã.
Haipevãĩ heshajy kũvãipi, hãrã oho hipii Jesús hareka õmombaivasushu Tũpa. Hãrã opaite heshavare kova, õmombaivasu jyve reta Tũpa.
Opa kyje retarã hei jyre ijupe: Mãrãva ñeerajy kova, hỹnaãtu ijetashuva hareka mbaikatu ryheve mbaiposhy retape, hãrã haire õhe!
Opaite mbyry mãi reta, hãrã õmombaivasu reta Tũpa, haivi kyje ryheve hei jyre: Ã'ẽ mbai haikaviteveva jahesha.
Shara hai hareka ñi'irũre opa mbypy'ãã reta pira nohẽvare rehe.
Haivi Jesús heishu mboireare: Mbaivara ikoshi pirojakue? Tẽvã haire mbyrymaĩ hareka kyje ryheve pyrãndu ijupe reta: “Mbavarajy ko kuimbai ijetashu yvytu hareka yyvasurã, japoshu heiva?”
Hãrã kunumi ray ou'ia ryheveĩ, mbaiposhy mombojy yvype hãrã hỹnatu opa mbyryry. Tẽvã Jesús poshy ryheve heishu mbaiposhy, mynguera kunumi ray, haivi meẽjyshu tuu.
Shara pynymbo'ehãhe Ñandeja Jesucristo oujy verã opaite ñymbai katukue ryhevarã, ha'eã ñeereiva rupii yrỹmbaikuaa rupii nohẽãva, koñeĩ oreteiva yryresa rupii heshaha Jesucristo ñymbaikatu.