Lucas 9:41 - NandevaBiblia

⁴¹ Jesús heishu iko'ihipivare: Pee jyrojambaa hareka heko kyava ryhevare! Mbaipeverapo ãĩme'ãĩ pynymbytepe hareka aiko'ai pyndyrehe? Eru kope ndyray.

Lucas 9:41 Iomraidhean Croise

Mateo 11:28

Pei she ãĩvape, opaite pee pynykangyva hareka ojepy'apyva, she apurũmbuputuupo.

Mateo 12:39

Tẽvã Jesús heishu reta: Tykove ñarõva Tũpa haihumba hareka ñee hendumbare jurure ñynoĩ mbai heshaha verã. Mba'ẽãpo heshahaka pee, mbai heshaha verã. Tũpa heshakapo pee Tũpa ĩñee mbeu'ia Jonas rehe japova rãĩmi.

Mateo 12:45

Haivi, oho hareka veru 7 ĩrũre mbaiposhy heko teitevevare hãrã ichepy reta hareka iko jyre haipe. Kyrã, kuimbaire hykovepe porã'ãĩteve õnepỹrõvaivi. Kyrãpo jehukui opa heko ñarõvare ã'ẽvare.

Mateo 16:4

Tykove ñarõva Tũpa haihumba hareka ñee hendumbare jurure mbai heshaha verã ara vateivi ouva. Mẽ'ẽhãposhu mbai heshaha verã ara vateivi ouva, koñeĩ heshahakapo pee Tũpa ĩñee mbeu'ia Jonas ikohea rãĩmi. Haipe hejashu retarã oho.

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

Mateo 23:36

Ãñete hai pee, kova mbai porãmba ryheva pijapo vekua, opa ñõĩpo oa ĩãrẽ ã'ẽva kuaretare.

Mateo 3:7

Tẽvã Juan heshama fariseore hareka saduceore heta ou ẽvãpe myngarai verãrã, heishu reta: Pee mboi rãĩmipiva! Mbavara heipe katu piñemishi verã ñunũpa pohyva kõõĩma ouva?

Marcos 10:14

Jesús hesha hokavarã poshype heishu reta: Pyma'ẽĩhe sanjayre tou shyrẽndape, avy pijocha; shara haire rãĩmivã retaĩpo ichekui Tũpa ẽvãpe.

Marcos 10:49

Haipe Jesús oho ñymbourã hei: Pỹhẽno. Hẽno reta heshamba kũvãipiarã heishu: Narẽã pũ'ã, nyrẽno'i.

Marcos 9:19

Jesús heishu reta: Ko kuareta jyrojambaare! Mbaipeverapo'ãi penendie? Mbaipeverapo aiko pyndyrehe? Perushe kope kunumi ray!

Lucas 8:25

Haivi Jesús heishu mboireare: Mbaivara ikoshi pirojakue? Tẽvã haire mbyrymaĩ hareka kyje ryheve pyrãndu ijupe reta: “Mbavarajy ko kuimbai ijetashu yvytu hareka yyvasurã, japoshu heiva?”

Lucas 9:40

Airurematẽshu rỹmboivare mohẽshi verã, tẽvã katuã mohẽshi reta.

Lucas 9:42

Hãrã kunumi ray ou'ia ryheveĩ, mbaiposhy mombojy yvype hãrã hỹnatu opa mbyryry. Tẽvã Jesús poshy ryheve heishu mbaiposhy, mynguera kunumi ray, haivi meẽjyshu tuu.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 20:27

Jesús heishu Tomas: Minje ndepo inti kope koravo kuarekuepe, hãrã mãĩ shepore, hareka minje ndepo shiche kutuha vekuape. Ỹteñomapo mbai ryrojãã iko, ryroja rãngapo!

Hechos 13:18

Tũpa jasakãĩ'ĩ ajemaĩ haire ĩñee rẽndumbapejyreshi kuarenta ãño pukukue yvy ikoambaipi.

Hechos 2:40

Pedro kyrãva ñee rupii ñimiñeeshu reta hareka mbarakuaashu retarã hei: Avy piko hãndi kuaretare mbai porãmba japo'iare!

Romano 2:4

Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Hebreos 3:19

hareka añete katuã iche Canaanpe shara jyrojããhe reta Tũpa.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Hebreos 4:2

Shara mbe'uha jyve ñande Ñee Kaviva, haire rãĩmi; tẽvã haire hendu vekua mba'ẽãshu reta, shara ñee hendu vekuare, jyrojakue ĩmerevare mi'ĩrũãshu japo vekuare.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.