Lucas 9:35 - NandevaBiblia

³⁵ Haivi ou pente ñee ãvapyntuivi, heiva: “Kova hai Shyray ahaihuva, pijaposhu hai heiva”.

Lucas 9:35 Iomraidhean Croise

Mateo 12:18

Kova hai ajokueva apyhỹrõ vekua, she ahaihushu hareka shymbyhoryva. Añonopohe she Espiritu ĩãrẽ, hai mbeupo hekope kavi'õ tenta retaipi.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Marcos 1:11

Hãma iñyhendu pente ñee ouva vate araivi heiva: “Nde hai Shyray ahaihuva, nde rupii shypya hory'ẽ”.

Lucas 3:22

Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Lucas 9:34

Ijetateri'õ, vejyhe reta pente ãvãpỹntu opa jasoi retarã; mbo'earea mbahapy'õre opa kyje reta.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

Hebreos 3:15

Hãrã hei: Hãma ã'ẽ ĩñee pyhendurã, avy pymytantashi pyndypya israelitare rãĩmi, pũãhe reta Tũpa, potãã japoshu heivarã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.