Lucas 9:20 - NandevaBiblia

²⁰ Haipe Jesús pyrãndu jyveshu reta: Pee jyveka, marãra perejyve shyrehe, mbavara she? Pedro heishu: Nde hai Cristo Tũpa mbouva.

Lucas 9:20 Iomraidhean Croise

Mateo 22:42

Pyrãndushu reta: Mbaivara perehe Cristo? Mbavaivi ñymoñavara hai? Haire heishu: David.

Mateo 26:63

Tẽvã Jesús jasakaĩ'i. Haipe pai juhuvisha hei jyshu: Tũpa hykove'ia heepe mbeu ore, ndera hai Cristo Tũpa tay?

Mateo 5:47

Hãma pini'ĩrũ retaĩ pymarãndupirã, marãva mbaikavira pijapo? Tũpa jyrojambahea retave rãnga kyrã japo jyve.

Marcos 14:61

Tẽvã Jesús mba'ẽã hei, mbyhovaimba. Hãma paire juhuvisha hykuãi pyrãndujyshu: Ndera hai Cristo, Tũpa heko kaviva Ray?

Marcos 8:29

Jesús pyrãndushu mboireare: Pee jyveno, marãra pere jyve shyrehe, mbavara she? Pedro heishu: Nde hai Cristo.

Lucas 22:67

Mbeu ore, ndera hai Cristo? Jesús heishu reta: Hai rãnga haiperã, shyrojããpopi.

Lucas 9:19

Haire heishu: Ĩme'ẽ hei ndyreheva Juan Bautista; ynga heijy Elías, hãma ĩrũre heijy ndyrehe Tũpa ĩñee mbeu'ia arykaiva, kuerajy vekua.

Juan 1:41

Andres tynonde japova hai oho heka tichey Simón; hesharã heishu: Vãhẽã rãngashuje Mesias! (He'iseva Cristo).

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 4:29

Pei pymãĩhe pente kuimbai opaite kuaava ajapo vekuare. Ha'ẽãra kova Cristo?

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Juan 7:41

Ĩrũre hei: Kova hai Cristo. Yngavare heijy: Marãrapo Cristo Galileaivi ou?

Hechos 17:3

Mbeu kavishu reta Cristo manoñoĩ verãmba hareka kuerajyñoĩ verã. Heishu reta ko hai Jesús she ãmbeu'ãĩpea, haiñoĩ Mesia.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Hechos 9:22

Tẽvã Saulo ñymypyrãta jyvyĩ ijeta Espiritu Santo ñymbai katupy mbeu Jesús haiva Mesia, tẽvã Judiore Damascope'õre kuaakaviã reta.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.