Lucas 9:16 - NandevaBiblia

¹⁶ Hãma Jesús heky pãhã 5 ia hareka mokue pira, hãrã vate ararerã mãirã, ohovasa, pysẽãra mẽshu mboireare, mẽmeẽshu verã kuaretare.

Lucas 9:16 Iomraidhean Croise

Mateo 14:19

Opa mbyvapyka reta kapi'atarerã, haipe heky pandepo pãhã hareka mokue pira, maĩ vaterã jurureshu Tũpa ohovasa verã. Hãrã pyseã pãhãrã meẽshu mboirea retape, meẽ verã opavape.

Mateo 15:36

hãrã heky 7 pãhã hareka pira, jurure Tũpa ohovasa verã. Haivi pysẽã meẽ mboirea retape, haire memẽeshu opavape.

Marcos 7:34

haivi Jesús vate maĩrã putuẽ mondorã hei: “Efata!” (he'iseva: “Jype'a!”)

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Lucas 24:30

Vapyma ñynoĩ hãndi mesaperã, heky pãhã, ohovasarã pysẽã meẽshu reta.

Lucas 9:15

Kyrã japo retarã, opa kavi mbyvapyka reta.

Lucas 9:17

Opaiteva karu hareka opa hỹvãta reta. Haivi 12 kanãta mynyhẽjy reta pysẽve hembyvekua.

Juan 6:11

Jesús pãhã hekyrã ñymboi'ĩãrẽ, meẽshu mboirea retarã mẽmeẽshu kuaretare vapy'ovare. Kyrãi japojy pira, mẽmeẽshu haire pota houva rãĩmi.

Juan 6:23

Tẽvã ĩme'ẽjy yngava kanoare vãhẽ ouva tenta Tiberiaivi, pãhã hou jyre vekuape hyvache hareka Ñandeja ñymboi ĩãrẽrã.

Hechos 27:35

Pablo kova mbai heirã, pysy pãhãrã jurure'ĩãrẽ opavare hỹnonde. Haivi pyseãrã hou.

Romano 14:6

Hãrã pente ara mbyveteveva ĩrũ araivi, kyrã japo Ñandeja pevarã. Hãma opava hou'iare japo jyve Ñandeja pevarã, shara meẽ jyveshu Tũpa jy'ajetekue; kyraĩ jyve maĩnunga houmbare japo Ñandeja pevarã shara meẽ jyveshu Tũpa jy'ajetekue.

1 Corintios 10:30

She ameẽ ajetekue Tũpape hauva reherãra, marã'ĩrãra mbava ijeta porããpo shyrehe hauva rehe?

1 Corintios 11:24

jy'ajetekue meẽrã, pyseã hareka hei: “Ko'ẽ, pe'u; kova hai shyrete pyndyrehe pyse'ãva; pijapo kova pymandua shyreherã”.