Lucas 9:1 - NandevaBiblia

¹ Jesús mbaty 12 mboireare, meẽshu reta mbaikatu, hareka ñonoshu mbaiposhy mohẽ verãre hãndi mynguera verãre mbairasy.

Lucas 9:1 Iomraidhean Croise

Mateo 16:19

Ameẽpo nde huvisha vasu vate arapy'õ, oo pe'ahapyare. Opa rĩñapĩntiva ko yvy'ĩãrẽ, ñapĩntihapo jyve vate arapy, hãrã rijorava ko yvy'ĩãrẽ, jorahapo jyve vate arapy.

Mateo 4:24

Jesús kuaaha opa Siriaipi. Hãrã veruashu opaite marãrãgãtu ñymbairasy vekuare, mbaiposhy ĩmereare, kuakuamba'ia hareka vatamba vekuare. Jesús opaite mynguerashu reta.

Mateo 8:9

She ãĩ jyve mburuvishare ipope, hãrã ĩme'ẽ jyve shepope syndarore, penteva syndaro ekua haishurã, hokava oho; yngava syndaro haishu “ei kope” hai oupo; jokuehareirea reta pijapo haishurã, haire japo.

Lucas 10:1

Haivi Ñandeja pyhỹrõ 70 mondo verã momokue hỹnonderã, tentaipi, hareka opaite hai oho verãipi.

Lucas 10:19

She ameẽ pee mbaikatu pypyrõhe verã mboi hareka vãkyrãpere, hareka pijepyhe verã pyndyresha tamba'iare ñymbaikatu, mbaimbaa japo pyndyrehevape.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 3:16

Ko kuimbai pyhesha hareka pikuava pyrãtajy shara jyrojahe Jesús hee. Ko jyroja ñonova Jesure myngueraiteshu pee pyheshava rãĩmi.

Hechos 4:30

hareka heshaka'ore nymbaikatu myngueraha verã ñymbairasyva, tiko mbai heshaha verã hareka mbai kavi heshaha verã nimbijokue Jesús heko kyamba.

Hechos 9:34

Pedro heishu: Eneas, Jesucristo nymynguera. Pũ'ã hareka ñono kavi ndurupa. Eneas haiperaveĩ pũã.