Lucas 8:31 - NandevaBiblia

³¹ Hãrã ko mbaiposhyre jurureshu Jesús, avy mondo verãre yvykua vasupe.

Lucas 8:31 Iomraidhean Croise

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Lucas 8:28

Heshama Jesús perã iñesu hỹnonderã sapuke: Jesús, Tũpa vateve õ Ray, mbaivara nde imẽryre shendie? Airure nde avy jahe shyrehe.

Lucas 8:32

Haipe mbyryã karu ñynõi kushi hetava yvyturusure, hãrã mbaiposhyre jurureshu Jesús ma ẽihe ichepy verã kushire hetepy. Hãrã Jesús ma ẽihẽ reta.

Romano 10:7

Maĩrã “mbavara vejypo yvykua vasupe?” (jaishu hai pota Cristo jupijy manovare mbyteivirã).

Apocalipsis 11:7

Hãrã opama mbapy mbeuva Tũpa ĩñeerã, mymba ñarõva õhe yvykua vasu huvaivi ñyrãrõ hãndi reta, jepyhe retarã jukapo reta.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.

Apocalipsis 9:11

Tukure ĩmere juhuvisha vasu, Ãña jokuerea yvykua vasu kypevape'õ, hebreo ĩñeepe mbyheava Abadón, hareka griegope Apolión he'iseva “pyrỹmbai'iva”.