Lucas 8:18 - NandevaBiblia

¹⁸ Hãrã pyhendu kavipo kova: Ko imẽrea mẽ'ẽhave poshu hetavere verã, tẽvã mba'ety reva mishi imẽte rea mikue opapo hekyajy shi.

Lucas 8:18 Iomraidhean Croise

Mateo 13:12

Hãrã mbai ĩmereva, me'ẽãveposhu hareka hembyposhu; tẽvã mbai mba'etyreva, hekyaveposhi, mĩshĩĩ ĩmerevaivi.

Mateo 25:29

Hoka ĩmereva, me'ẽãveposhu hareka hembypojyshu; tẽvã hoka mba'etyrea, hekyaveposhi mishĩĩ ĩmerevaivi.

Marcos 13:14

Pyheshama ko mbai porãmba'eite vekua ẽẽ, ẽmbatẽ verãperã Tũpa ĩñee mbeu'ia Daniel heiva rãĩmi (ko mbijetava tikuaa mbaivara he'ise) Judeape'iare tĩvãhe yvyturusu ẽvãipi;

Lucas 19:26

Mburuvisha vasu hei: “She hai pee, ĩmereva ĩãrẽvepo mẽ'ẽhajyshu; tẽvã mba'etyreva, mĩshĩĩ ĩmetereva hekyajyposhi.

Lucas 9:44

“Pyhendu kavi kova hareka avy pyndysarehekui; kuareta Tay mẽ'ẽhapokui kuaretare ipope”.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Hechos 10:33

Haivi ãrẽ'ãĩte amondo ndyreka verã hareka ndypya kavimbaje, rei verã. Ã'ẽ opaite ĩmehã'ẽ Tũpa hỹnonde, henduha verã opaite Ñandeja ñonondeva rỹmbeu ore verã.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

1 Corintios 14:37

Ĩme'ẽ hei ijeheva haiva Tũpa ĩñee mbeu'iarã, maĩrã heiva Espiritu ñonova ñakapy hei verã, kuaapo jyve kova ambyparapeva hai ñeẽ japoa verã Ñandeja ña'ãpova.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 8:2

Ĩme'ẽ pente moãma opa mbai kuaavarã, nde'iave rãngateri opa kuaa, kuaa verã rãĩmi.

Filipenses 3:4

Ajema she ĩmetẽ jyve airojahe verã tyroore. Mba'ety rãnga mbaiva reheiterapo airojahe:

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.