Lucas 8:14 - NandevaBiblia

¹⁴ Timĩty oava ñana mbytepe hai henduva Tũpa Ĩñee. Tẽvã ohorã mbeve katu kangy, jepy'apy, mbai pota kuere, hareka mbai porãmba pota japo i, hãrã i'ãã.

Lucas 8:14 Iomraidhean Croise

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Lucas 16:13

Pente jokueharea katuã mokuere jokue'õ, shara heshatãpo pente, ĩrũĩpo haihushu; penteĩpo japoshu heiva, ĩrũpo japoãshu heiva. Kyrã jyve pee katuã Tũpare pẽĩva seveivãĩ pẽĩjyhe kyrypoti.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Lucas 8:7

Ĩrũre oajy juu heta õ mbytepe, heñotẽa ñanava jyvache hẽñõ hãndirã opa jasoi.

Juan 15:6

Hãrã ẽmba shyreheva, mombohapo hãka jipiva rãĩmi, mbatyha momboha verã tatape.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,