Lucas 8:13 - NandevaBiblia

¹³ Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Lucas 8:13 Iomraidhean Croise

Marcos 6:20

shara Herode kyje'ishi Juan, kuaa kavite hai kuimbai heko kyambarã, hãrã ñyngareko kavihe, hendu ijeta'ẽrã ajemaĩ kuaa kaviãshi, tẽvã Herode kyrẽ'ỹpe hendushu.

Lucas 8:12

timĩty oava pehupi, hai henduva Tũpa Ĩñee. Tẽvã ou Ãña opa hekyjyshi pyaivi Ñee kaviva, potã jyroja hareka ohojeperã.

Lucas 8:14

Timĩty oava ñana mbytepe hai henduva Tũpa Ĩñee. Tẽvã ohorã mbeve katu kangy, jepy'apy, mbai pota kuere, hareka mbai porãmba pota japo i, hãrã i'ãã.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Juan 15:6

Hãrã ẽmba shyreheva, mombohapo hãka jipiva rãĩmi, mbatyha momboha verã tatape.

Juan 5:35

Juan rãnga hai mbai myhendyava hareka sapeva, potatẽ sapy'aite pyvyapipy hai mykõĩvãpe.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 15:2

Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Galatas 3:4

Hetara pyhasa'asy, mbaimbaa verã? Katuã rãnga mbaimbape opa!

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

1 Tesalonicenses 3:5

Hãme rãnga, katuveama ãhãrõrã ãmondo Timoteo, shara aipota aikuaa ĩmeĩrateritẽ piroja. She rãnga akyje Ãña japokajype verã mbai porãmbava hareka opaite pyhejareijy verã japoha pyndyrehe vekua.

1 Timoteo 1:19

reko katu ndijehe jyrojakue hareka pya kavi. Shara ĩme'ẽ mbijiche ijuhuviva pya kyamba, hãme rãnga javy hai jyrojakuepe.

Hebreos 10:39

Tẽvã ñande ha'eã haykue kytyĩ ohojya hareka oho'ia jaheahe verã kyty, koñeĩ hai ñande japity verã tykove opamba ryheva Tũpa jairojaherã.

Santiago 2:26

Shara ñandyrete putũhẽãrã mano, kyrã jyve jyrojakuepe mbaimba japova, manoma.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

2 Pedro 2:22

Hai rehe iko añeteva ñee heiva: Ñaumba houjy ñyvẽ'ẽkue, kushi opa mbijahuarã oho japajerejy tujupy.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

Judas 1:12

Kova hai ñanymymarãva karuvasu pijapova piroja handivare, ñymbyu hareka karu reta mbaimba kuaaseva. Ha'eire ñyngareko ijehe. Ova ãvãpyntu jy'yymbava, yvytu kokoty rahava; ova yvyra jy'arapemba'iava, hapo ryheve nohẽãrã opa jipi.