Lucas 7:47 - NandevaBiblia

⁴⁷ Hãme rãnga hai nde, heta mbai porãmba japo vekua hejareiimashi, shara pyryhaihuite; tẽvã kuareta mishĩĩ hejareiiva, mishĩĩ heshaka jyhaihu.

Lucas 7:47 Iomraidhean Croise

Mateo 10:37

Tuu hareka ishy haihuve shyheviva, katuãpo ikoshi sha'ãporã. Ĩme'ẽ haihuve shyheviva tay hareka tajy, katuãpo ikoshi sha'ãporava.

Lucas 7:39

Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Lucas 7:46

Rykytyã je shãkare asaite, hainy ñohẽ mbai pisheka kaviva she pyre.

Lucas 7:48

Haivi Jesús heishu taupe: Mbai porãmba rijapo vekua hejareiima ndyhevi.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

1 Timoteo 1:14

Tẽvã Ñandeja ñymbai kavikue tivishave ou sheãrẽ, jyrojakue hareka jyhaihukue ryheve, Cristo Jesús rupii katu ĩmẽjareva.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.

1 Juan 4:19

Ñande rãnga jahaihu Tũpa, shara tynonde hai ñandyraihu.

1 Juan 5:3

Jahaihu Tũpa he'ise jajaposhu hai potava; hareka hai potava ha'ẽã javaii jajapova.