Lucas 7:39 - NandevaBiblia

³⁹ Fariseo jurureshu vekua Jesús oho karu verã heshama hokavarã hei pyape: “Ko kuimbai ãñete hai Tũpa ĩñee mbeu'iarã, kuaatẽ verã mãrãva tauperã poko'ẽhe, taupe heko porãmba rãnga hai”.

Lucas 7:39 Iomraidhean Croise

Mateo 20:16

Kyrãpo tynonde'õre mbytaykueha, hareka taykue'õre mytynõndeapo. Hetavape rãnga hẽnohã, tẽvã mbovyi'ẽ pyhyrõãvare.

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Marcos 7:21

Shara kuareta pyaivi õhẽ porãmba pya mbijetava, omendava ynga mãĩ'ijyhea, omendambape jyrekova, purukava,

Lucas 12:17

Haipe iko katuva pya mbijetarã hei: “Mbaivara ajapopo?” Mba'ety ãnãtu verãpe añoty vekua.

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Lucas 16:3

Haivi mbai ñyngareko'ihea pyape hei: “Mbaivara ajapopo? Shokue'ia rãnga shymohẽ amba'apoaivi. Shy yvype amba'apo verã ãĩmburuãshu; airurure'ai verã, ãnotijy.

Lucas 18:4

Heta ara ko huvisha pirĩmbivache'ia ñatẽy japo jurureashua, tẽvã hei pyape: “Ajema Tũpa akyjeãshi hareka mba'eãjyshe shapisha,

Lucas 3:8

Piñymbyheko kavi, tyheshaa pyndyrehe ãñete peijyva Tũpa kyty, hareka avy pyndypya pimbijetarã pere: “Ore hai Abraham ñymoñaa hãndia”; ãñeteite hai pee Tũpa katuĩ japojyshi kova ita Abraham ta'yrãre.

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Lucas 7:37

Haivi pente taupe heko porãmbava hoka tentape ia, kuama Jesús oho karu fariseo hentaperã, vãhẽ ou pente mbai hyru ryheve tynyhẽ'õ mbai pisheka kavi.

Lucas 7:38

Jaheo ryheve vãhẽ Jesús ẽvãpe, hãrã saypeĩ ipy joheshu. Haivi ñakahaapy mitĩnishu, pyterã hareka ñonohẽ ipyre mbai pisheka kaviva.

Lucas 7:40

Haipe Jesús heishu fariseo: Simón, ĩme are pente mbai hai nde verã. Fariseo hei: Mbeushe, pyrỹmboi'ia.

Juan 4:19

Hokava taupe hendurã heishu: Sheja, hainymbashe nde haiva Tũpa ĩñee mbeu'ia.

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 9:24

Haivi hẽnojy reta kuimbai heshamba kũvãĩpi vekuarã, heishu: Tũpa hỹnonde mbeu añeteva; ore kuaaha hoka kuimbai hai heko porãmbavarã.