Lucas 7:37 - NandevaBiblia

³⁷ Haivi pente taupe heko porãmbava hoka tentape ia, kuama Jesús oho karu fariseo hentaperã, vãhẽ ou pente mbai hyru ryheve tynyhẽ'õ mbai pisheka kavi.

Lucas 7:37 Iomraidhean Croise

Mateo 21:31

Mbavara mokue'iare japoshu tuu heiva? Hãrã haire heishu: Tay tynondeiteva. Jesús heishu reta: Ãñete hai pee, kyrypoti mbatyse'iare Roma pevarã hareka taupe heko porãmbare tynondepo iche pyhevikui Tũpa huvisharã'õpe.

Lucas 18:13

Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Lucas 19:7

Hokava heshama retarã opaiteva ijeta porãã jyrehe, hei reta kuareta heko porãmbava hentape oho pytava.

Lucas 5:30

Tẽvã Moisés mbypara vekua pyrỹmboi'iheare hareka fariseore ĩñee mombo jyrehe Jesús mboireare hãrã heishu reta: Mãrã'irãra pykaru hareka piñymbyu hãndi kyrypoti mbatyse'iare Roma pevarã, hareka mbai porãmba japo'iare hãndi?

Lucas 5:32

She aiã aheno heko kavivape, heko porãmba'ia retapei, oujy verãre Tũpa kyty.

Lucas 7:34

Haivi aijyve, kuareta Tay karu hareka hauva vino, hãrã pereshu: Karuiteva hareka ka'uiteva, ñimi'ĩrũ'ihea heko porãmba hareka kyrypoti mbatyse'iare Roma pevarã hãndi.

Lucas 7:36

Pente fariseo jurureshu Jesús oho karu verã hentape, hãrã oho vapy ẽ mesape karu verã.

Juan 11:2

Hoka Maria, Lazaro hiindy, haimba oho mbipishe katushu vekua Ñandeja ipyre, hareka ñãkahaapy mitĩnijy.

Juan 9:24

Haivi hẽnojy reta kuimbai heshamba kũvãĩpi vekuarã, heishu: Tũpa hỹnonde mbeu añeteva; ore kuaaha hoka kuimbai hai heko porãmbavarã.

Juan 9:31

Jaikuaa rãnga Tũpa henduãshu mbai porãmba japo'ia retarã; koñeĩ hendushu jyrojahea, hareka ĩñee japoshuva.

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

1 Timoteo 1:15

Kova ñee rãnga hai añeteva, hãrã opaiteva kuaretare katu roja: Jesucristo oumba aryka'e yvy'ĩãrẽ kuareta mbai porãmba japo'iare mondojepe verã, haire mbytepe she hai heko porãmba'eiteveva.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

1 Pedro 4:18

Hareka hekokaviva hasype ohojeperã, mbaivarapo ikoshi ñañarõvare hareka mbai porãmba japo'iare?