Lucas 7:2 - NandevaBiblia

² Haipemba ẽẽ 100 syndaro huvisha Romape'õ ĩmerea pente jokuereirea haihuva, hai ñymbairasy hareka mano verãĩma'õ.

Lucas 7:2 Iomraidhean Croise

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Lucas 7:1

Jesús opa ñimiñeeshu kuareta retarã, oho Capernaúmpe.

Lucas 7:3

Hãma hendu hoka huvisha Jesús he'iahevarã, mondo ẽvãpe kuakuavare Judio ryheva, heta jurure'asyshu reta ou mynguerã verã jokuereirea.

Lucas 8:42

shara ĩmere pente'ia tajy, 12 ãñoma rea, mano verãima õ. Jesús oho marã, kuareta hetava oho hipi, hãrã opa jopy rahashu reta.

Hechos 10:1

Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 10:7

Tũpa jokueva ohojymarã, Kornelio hẽno mokue jokuereva hãndi syndaro jyrojaheva hareka haihuva Tũpa.

Hechos 22:26

Hokava hendurã, 100'õ syndarore juhuvisha oho mbeushu hãrã hei: Mãĩkavirãni ko rijapo verãre, shara ko kuimbai hai Romava.

Hechos 23:17

Pablo hẽno pente 100'õ syndarore juhuvisharã heishu: Raha ko kunumi syndarore juhuvisha vasu ẽvãpe, ĩmere mbeushu verã.

Hechos 27:1

Meẽma reta yrỹmondo verãre Italiaperã, me'ẽha Pablo hareka a'ãmo mbyperesoareare pente 100 õvã syndarore juhuvishape Julio he'iashua, huvisha vasu Augusto ñysyndarore ryheva.

Hechos 27:3

Parejyrã vãhẽhã ohoha tenta Sidonpe varko ñymbo'yseape. Julio ñyngareko kavihe Pablo hareka ma'ẽĩhe oho marãndu kuavare hoka tentape'ẽvã, haire mboryshu verã opa mbai ikotẽvẽape.

Hechos 27:43

Tẽvã centurion syndarore juhuvisha Julio he'iãshu reta, shara potamba Pablo mondojepe. Hãme hei ĩme'ẽ katu iña'ỹtavarã ojepoipy verã yy hareka vãhẽ oho vẽra hymbeykyty,

Colosenses 3:22

Jokuehareare, opa mba'epe piniñeerẽndushu pokue'õ ko yvy'ĩãrẽ'õre, ha'ẽã maĩ'ẽ pyreherãmeĩ pymba'apo verã pota pẽĩ kavi hãndirãmeĩ. Haikavivepo pyakavipe pijapo hareka Ñandeja pykyjeshiape.